پاريجدەگى موڭعولدار قالا ورتالىعىنا كيىز ءۇي تىگۋگە ارەڭ رۇقسات الدى

 ليا دەفانس اۋدانىندا تۇرعان بۇل ءۇي قالا تۇرعىندارى مەن تۋريستتەردىڭ ۇلكەن قىزۋعىشىلىعىن تۋعىزدى. كيىز ۇيدە كەلگەن قوناقتاردىڭ ءبارىن قۇشاق جايىپ قارسى الادى. فرانسياداعى موڭعولدار قاۋىمداستىعىنىڭ جەتەكشىسى قالا ورتالىعىندا وسى ءۇيدى تىگۋگە ارەڭ رۇقسات العانىن ايتتى.

 ەندى ەردەنحۋياگ بايارسايحان كەلەسى جىلعى جارمەڭكەدە كوشپەلى حالىقتار فەستيۆالىن وتكىزۋدى ماقسات تۇتقان. سول سەبەپتى قازاق قولونەرشىلەرىن وسى باعىتتا بىرلەسىپ جۇمىس جاساۋعا شاقىرادى.

ەردەنحۋياگ بايارسايحان، «ماڭگى موڭعوليا» قاۋىمداستىعىنىڭ پرەزيدەنتى:

- ءبىز كوشپەلى حالىقتاردىڭ وكىلدەرىمىز. ەۋروپا تۇرعىندارىنىڭ بارلىعى الۋان ءتۇرلى مادەنيەتتەردى تۇيىستىرگەن ۇلى جىبەك جولىن بىلەدى. وسىنى ماقتان تۇتۋمىز كەرەك. جاڭا جىبەك جولى فەستيۆالىن بىرگە ۇيىمداستىرايىق.

 فرانسيادا كوپ ۇلتتىڭ وكىلدەرى تۇراتىنى بەلگىلى. سوندىقتان جارمەڭكەلەردە جەرگىلىكتى فۋاگرادان باستاپ، افريكالىق اشەكەيلەر مەن كاريب ايماعى ەلدەرىنىڭ تاعامدارى ساتىلدى. كوپتى كورگەن جەرگىلىكتى حالىقتى تاڭ قالدىرۋ قيىن. دەگەنمەن، كيىز ءۇي جۇرتتىڭ ۇلكەن قىزعۋشىلىعىن تۋعىزدى.

لەو، جارمەڭكە قوناعى:

- ەرەكشە دۇنيە ەكەن. بۇرىن- سوڭدى مۇنداي ءۇيدى ەش جەردەن كورمەدىم. ماعان قاتتى ۇنادى.

جاڭا جىل الدىندا فرانسيانىڭ وزگە ايماقتارىندا دا كوشپەلىلەردىڭ ءىزىن كورۋگە بولادى. ەلدىڭ باتىسىندا ءداستۇرلى جارمەڭكەلىك شاتىرلاردى كيىز ۇيلەرمەن الماستىردى. ال جازدا فرانسيانىڭ وڭتۇستىگىندە مەكتەپ جانىنداعى لاگەردە كيىز ۇيلەر ورناتىلعان بولاتىن. جارمەڭكەگە كەلۋشىلەردى ۇسىنىلعان تاۋارلاردان گورى كيىز ءۇيدى ساتىپ الۋ مۇمكىندىگى قىزىقتىرىپ وتىر. ايتپاقشى ول دا ساۋداعا قويىلعان ەكەن.

www.24.kz