قازاقستاندا «ايەلدەر يپوتەكاسى» قاشان جۇزەگە اسىرىلادى

 «تۇرعىن ءۇي قۇرىلىس جيناق بانكى تاعى ءبىر جوبانى ىسكە قوستى. ونى 2020 -جىلى جۇزەگە اسىرۋدى جوسپارلاپ وتىر. بۇل «تۇرعىن ءۇي قۇرىلىسىن قارجىلاندىرۋدا گەندەرلىك تەڭدىكتى قولداۋ جونىندەگى جوبا» نەمەسە «ايەلدەر يپوتەكاسى» دەپ اتالادى. جوبانى ازيا دامۋ بانكى 38 ميلليارد تەڭگە كولەمىندە قارجىلاندىرادى»، - دەدى باسپا ءسوز ءماسليحاتىندا «تۇرعىن ءۇي قۇرىلىس جيناق بانكى» ا ق باسقارما ءتوراعاسىنىڭ ورىنباسارى ءاليا ايداربەكوۆا.

قازىر قازاقستاندا 9,1 ميلليون ايەل تۇرادى. ونىڭ ىشىندە 4,4 ميلليونى جۇمىس ىستەيدى، ولاردىڭ جارتىسى ءوز وتباسىلارىن دەربەس قامتاماسىز ەتەدى. بۇل رەتتە ايەلدەر ورتاشا ەسەپپەن ەر ادامعا قاراعاندا ۇشتەن ءبىر بولىككە از جالاقى الادى.

«تابىس دەڭگەيىنىڭ تومەندىگى ولاردىڭ ءۇي ساتىپ الۋ ءۇشىن قول جەتىمدى نەسيە الۋى ەر ادامدارعا قاراعاندا قيىن ەكەنىن كورسەتەدى. ايەلدەرگە نەسيەلەر باستاپقى جانە قوسىمشا تۇرعىن ءۇي ساتىپ الۋعا بەرىلەدى. نەسيەنىڭ ەڭ جوعارى سوماسى 30 ميلليون تەڭگەنى قۇرايدى. ونى الۋ ءۇشىن تابىسى 200 مىڭ تەڭگەدەن تومەن بولسا، 15 پايىز مولشەرىندە ەڭ تومەنگى باستاپقى جارنا، ال تابىسى 200 مىڭ تەڭگەدەن اساتىن ادامدار ءۇشىن % 20 باستاپقى جارنا جەتكىلىكتى»، - دەپ ءتۇسىندىردى ءاليا ايداربەكوۆا.

ونىڭ ايتۋىنشا، پايىزدىق مولشەرلەمە الدىن الا بولجام بويىنشا % 12 دەڭگەيىندە بولادى.

«نەسيەنىڭ پايىزدىق مولشەرلەمەسى الدىن الا بولجام بويىنشا % 12 دەڭگەيىندە بولادى. الدىمەن % 50- عا دەيىن اقشا جيناۋ قاجەت. بىزبەن بىرگە اقشا جيناعان ادامنىڭ كەيىن ستاۆكاسى تومەندەپ % 3,5 -% 5- دى قۇرايتىن بولادى. ءبىز قاڭتار ايىندا العاشقى 7 ميلليارد تەڭگەنى الۋدى جوسپارلاپ وتىرمىز. ازيا دامۋ بانكىنىڭ جالعىز شارتى بار. يپوتەكالىق نەسيەنىڭ % 40- ىن ءىرى قالالارعا، ال % 60- ىن ايماقتارعا بەرەۋ كەرەك دەگەن شارت قويدى. سوندىقتان بۇل باعدارلاما، ەڭ الدىمەن، ايماقتاردا باستالادى. ولار ءبىزدىڭ سالىمشىلارىمىز بولۋى كەرەك»، - دەپ تولىقتىردى لياززات يبراگيموۆا.

اۆتور الما مۇقانوۆا