بيىل قازاقستاندا الەۋمەتتىك شيەلەنىستىڭ ارتۋ سەبەبى نە - ساپاربايەۆ جاۋابى
«بيىل الەۋمەتتىك ماسەلەردىڭ ۋشىعۋ سەبەبى ەڭ الدىمەن قازىرگى ۋاقىتتا دۇنيە جۇزىندە ورىن الىپ جاتقان باعانىڭ ءوسۋى سىندى ماسەلەلەرگە بايلانىستى بولدى. ەكىنشىدەن، وزدەرىڭىز بىلەتىندەي، ەلباسىنىڭ تاپسىرماسىنا سايكەس 1-ساۋىردەن باستاپ اتاۋلى الەۋمەتتىك كومەكتىڭ مولشەرى كوبەيدى. سوعان دۇرىس قۇجات جينالمادى، تابىستار دۇرىس كورسەتىلمەدى. سونىڭ سالدارىنان 79 مىڭعا جۋىق قازاقستاندىق تابىستارىن دۇرىس كورسەتپەي زاڭسىز اتاۋلى الەۋمەتتىك كومەك الدى. جالپى، بارلىعى العىسى كەلگەنىمەن، ولاي بولمايدى. اتىنىڭ ءوزى اتاۋلى الەۋمەتتىك كومەك دەپ تۇر. ول ءار وتباسى مۇشەسىنىڭ تابىسىنا بايلانىستى تولەنۋى ءتيىس»، - دەدى ۆيتسە-پرەمەر.
سونىمەن قاتار ول نۇر-سۇلتان قالاسىندا ورىن العان كەيبىر جايتتارعا دا توقتالىپ ءوتتى.
«كەشە ەلوردا تۇرعىندارىمەن كەزدەسكەن كەزدە تۇرعىن ۇيمەن قامتاماسىز ەتۋگە قاتىستى سۇراقتار بولدى. بارلىعى كەزەكتە تۇرماي-اق باسپانالى بولعىسى كەلەدى. ولاي بولمايدى. ءبىز قۇقىقتىق مەملەكەتتە تۇرعاننان كەيىن بارلىعى زاڭعا سايكەس بولۋى ءتيىس. زاڭ سايكەس باسپانانى كەزەككە بايلانىستى الۋى كەرەك. ءبىراق، كەيبىر وتباسىلارعا بەرىلگەن جەڭىلدەكتەر بار. سول جەڭىلدىكتەرمەن الۋى قاجەت. مىنە، وسىنداي ماسەلەلەرگە وراي جاعدايلار بولدى. ولاردىڭ بارلىعىن جەكە- جەكە تالداپ، ءتيىستى شارالار قابىلدادىق»، - دەدى بەردىبەك ساپاربايەۆ.
ۆيتسە-پرەمەر ۇكىمەت مۇشەلەرى وسى ماسەلەلەردى حالىققا جەتە ءتۇسىندىرۋ ماقساتىندا ەلىمىزدىڭ بارلىق وڭىرلەرىن 2 رەتتەن ارالاپ، حالىقپەن كەزدەسۋلەر وتكىزگەندىگىن ايتتى.
«كوكتەمدە 270، قازىر 300 دەي، جالپى 500 دەن استام كەزدەسۋ وتكىزدىك. سونداعى ماقساتىمىز - وسىنىڭ بارلىعىن ءتۇسىندىرۋ، ايتۋ. ەڭ ۇلكەن ماسەلەنىڭ ءبىرى - جەرلەستەرىمىزدىڭ زاڭدى، كەيبىر مەملەكەتتىك باعدارلامالاردى بىلمەۋى، قالاي نەسيە الىپ، جۇمىسقا قالاي ورنالاسۋ كەرەكتىگىن تۇسىنبەۋى، ول ءۇشىن قاي جەرگە قارىپ، نەندەي قۇجات تاپسىرۋ كەرەكتىگىن بىلمەۋى. نەگىزگى سەبەپتەرى وسىلار»، - دەدى ول.
اۆتور: مارلان جيەمباي
