الەم ەلدەرىنىڭ سىرتقى قارىزى رەكوردتىق دەڭگەيگە جەتتى

 حالىقارالىق ۆاليۋتالىق قور باسشىسى كريستالينا گەورگيەۆا بۇل رەكوردتىق كورسەتكىش ەكەنىن ايتتى. ح ۆ ق باسشىسىنىڭ ايتۋىنشا دامىعان ەلدەردىڭ وسىنداي كولەمدەگى قارىزى بۇعان دەيىن 1980 -جىلعى داعدارىس كەزىندە قالىپتاسقان.

 جالپى دۇنيە جۇزىندەگى ەڭ ۇلكەن بەرەشەك ا ق ش ەنشىسىندە. قۇراما شتاتتاردىڭ قارىزى 23 تريلليون دوللاردان اسىپ كەتكەن. بۇل امەريكا تاريحىنداعى رەكوردتىق كورسەتكىش. ساراپشىلار مۇنى دونالد ترامپتىڭ سالىقتىق جۇكتەمەنى تومەندەتىپ، مەملەكەت شىعىنىن كوبەيتكەنىمەن بايلانىستىرىپ وتىر.

 ال ەاەو ەلدەرىندە ەڭ كوپ قارىز رەسەيگە تيەسىلى. رەسەي ورتالىق بانكىنىڭ 1 - شىلدەدەگى مالىمەتى بويىنشا كورشىمىزدىڭ بەرەشەگى 469,8 ميلليارد دوللاردى قۇرايدى. ياعني جىل باسىنان بەرى 25,2 ميلليارد دوللارعا نەمەسە %5,5 عا ۇلعايعان.

 ال الەمدەگى جاعدايعا قاراماستان قازاقستان ەكونوميكاسىندا جاعىمدى ديناميكا بايقالادى. سىرتقا قارىز 6 ميلليارد دوللارعا نەمەسە %3,7 ازايىپ، 2019 -جىلدىڭ 1 - شىلدەسىندە 158,3 ميلليارد دوللاردى قۇرادى. ءبىر جىل بۇرىن 165,5 ميلليارد دوللار ەدى. سىرتقى قارىزدىڭ ازايۋىمەن قاتار ەكونوميكانىڭ ءوسىمى دە بايقالادى. 2019 -جىلدىڭ قاڭتار- ماۋسىم ارالىعىندا ق ر ءى ج ءو وتكەن جىلدىق ۇقساس مەرزىمىمەن سالىستىرعاندا %4,1 وسكەن.