گەننادي گولوۆكين الەم چەمپيونىمەن عالامات كەزدەسۋ وتكىزۋى مۇمكىن
تۋرنيردەن كەيىن جاپونيالىقتىڭ جارناما اگەنتى كەلەسى كەزدەسۋ جايلى جوسپارلارىمەن ءبولىستى دەپ حابارلايدى KAZ. NUR. KZ.
بوكسشىنىڭ الداعى جوسپارلارى جايلى مۋراتا پروموۋتەرىنىڭ ءبىرى بوب ارۋم مالىمدەدى.
ونىڭ سوزىنشە، سوڭعى تۋرنيردەگى جەڭىستەن كەيىن جاپونيالىققا قارسىلاس رەتىندە قازاقستاندىق چەمپيون گەننادي گولوۆكين نەمەسە مەكسيكالىق بوكسشى ساۋل الۆارەس ۇسىنىلۋى مۇمكىن دەپ حابارلايدى Sports.kz.
جاپونيالىق سپورتشى وكىلدەرى كەلەسى كەزدەسۋدى «Tokyo Dome» اتتى 55 مىڭ ادامعا ارنالعان ۇلكەن ستاديوندا ۇيىمداستىرۋدى جوسپارلاۋدا.
ارۋمنىڭ حابارلاۋىنشا، قوس بوكسشىعا دا ۇسىنىس جىبەرىلگەن. ەكى سپورتشى دا جاپونياعا بارىپ، ماڭىزدى وقيعاعا قاتىسۋعا قارسى ەمەس ەكەنىن مالىمدەپتى. ال پروموۋتەر بۇل يدەياعا قۋانىشتى جانە بارلىعىن ۇيىمداستىرۋ مۇمكىن بولارىنا سەنەدى.
ايتا كەتەيىك، 33 جاستاعى ريوتا مۋراتا اڭىزعا اينالعانWBA بوكس قاۋىمداستىعىنىڭ نۇسقاسى بويىنشا تۇراقتى الەم چەمپيونى بولىپ تابىلادى. ول بارلىق بوكس قاۋىمداستىقتارىنىڭ ىشىندە ەڭ كونەسى جانە ءوز قامقورلىعىمەن الەمدىك دەڭگەيدەگى تۋرنيرلەر وتكىزەدى.
ەستەرىڭىزگە سالا كەتەيىك، رەسەيلىك ارالاس جەكپە-جەكتىڭ جۇلدىزى حابيب نۋرماگومەدوۆ قازاقستاننىڭ مادەني استاناسىنىڭ قوناعى اتاندى. بۇل تۋرالى الەۋمەتتىك جەلىلەردە الماتىلىق فۋتبولشى مەن رەسەيلىك سپورتشىنىڭ بىرلەسكەن سۋرەتتەرى جاريالانعاننان كەيىن بەلگىلى بولدى.
