وسكەمەندە كولىك قاعىپ كەتكەن جابايى ەلىكتى مال دارىگەرلەر قۇتقارا المادى
Zoovita ۆەتەرينارلىق ەمحاناسى جانۋاردىڭ ءولىمى بىرنەشە مۇشەسىنىڭ جەتىسپەۋشىلىگى، گەمورراگيالىق شوك جانە كوپتەگەن جاراقات سالدارىنان بولعانىن حابارلادى.
«جۇمادا ەلىكتىڭ ارتقى اياقتارى ىسىنە باستادى. ءبىز قولدان كەلگەن قاجەتتى شارالاردى جاسادىق، جاعداي تۇراقتالعان بولاتىن. كەلەسى كۇنى جاعداي كۇردەلەنىپ، قۇسۋى جيىلەنە ءتۇستى. دارىگەرلەر بارلىق جاعدايدى جاسادى، سوعان قاراماستان جانۋار اۋىرىپ، تۇندە ءولىپ قالدى»، - دەپ ءتۇسىندىردى ۆەتەرينارلىق ەمحانادا.
ەستەرىڭىزگە سالا كەتەيىك، جەلتوقساننىڭ ورتاسىندا وسكەمەندە جابايى ەلىك كوشە كەزىپ جۇرگەن بولاتىن. قورقىپ قالعان جانۋار بىرنەشە كۇن كولىك قاققانعا دەيىن قالادا جۇگىرىپ جۇرگەن. بۇعان دەيىن جانۋار ۆەتەرينارلىق ەمحاناعا جەتكىزىلىپ، وعان وتا جاسالعان.
ايتا كەتەيىك، جەرگىلىكتى بەلسەندى ءتىپتى جابايى ەلىكتى قورعاۋعا ارنالعان اكسيا جاريالاعان. وعان ەلىكتىڭ ومىرىنە بەي-جاي قارامايتىن ازاماتتار قولداۋ ءبىلدىرىپ، ەمدەۋگە 250 مىڭ تەڭگە جيناپ بەرگەن.
ايتا كەتەيىك، وتكەن دەمالىس كۇندەرى وسكەمەن كوشەلەرىنەن تۇرعىندار تاعى ءبىر جابايى ەلىكتى بايقاعان بولاتىن.
