رەسەيدىڭ تۇمەن وبلىسىنداعى «جاس ۇرپاق» قازاق بالالار شىعارماشىلىعىنىڭ بايقاۋى ءوتتى
بۇل تۇمەن وبلىسىنىڭ وقۋشىلارى ءۇشىن وڭىردە تۇراتىن حالىقتاردىڭ ءوزارا ءىس-قيمىلىن نىعايتۋعا، قازاق مادەنيەتى مەن ءتىلىن ساقتاۋعا جانە دامىتۋعا باعىتتالعان ەتنومادەني جوبا. ول قازاقتاردىڭ ايماقتىق ۇلتتىق-مادەني اۆتونومياسىنىڭ باستاماسىمەن ۇيىمداستىرىلىپ، 17-21- جەلتوقساندا تۇمەن وبلىسىندا وتكەن قازاق مادەنيەتى كۇندەرىنىڭ باستى وقيعاسى بولدى.
فەستيۆال فينالىندا قازان، ابات، يسەت، ەسىل، ومۋتين، تۇمەن، ۋپوروۆ، گولىشمان جانە زاۆودوۋكوۆكا قالالىق وكرۋگتەرىنەن، ەسىل جانە تۇمەننەن 38 قاتىسۋشى جانە شىعارماشىلىق ۇجىمدار ونەر كورسەتتى.
فەستيۆال- بايقاۋدىڭ قۇرمەتتى قوناقتارى: تۇمەن وبلىسىنىڭ ۇلتتار ىستەرى جونىندەگى كوميتەتىنىڭ ءتوراعاسى ۆلاديسلاۆ چەرنوۆ، تۇمەن وبلىسىنىڭ ۇلتتىق قوعامدىق بىرلەستىكتەرىنىڭ ۇيلەستىرۋ كەڭەسىنىڭ ءتوراعاسى ەۆگەني ۆوروبيەۆ، تۇمەن وبلىستىق دۋماسىنىڭ دەپۋتاتتارى ۆلاديمير ستولياروۆ جانە دميتري نوۆيتسكي، تۇمەن قالاسىنداعى قازاقستان رەسپۋبليكاسىنىڭ قۇرمەتتى كونسۋلى ۆلاديسلاۆ كۆاسوۆ، سولتۇستىك ورالداعى مەملەكەتتىك اگرارلىق ۋنيۆەرسيتەتىنىڭ رەكتورى ەلەنا بويكو بولدى.
«جاڭا فەستيۆال باستاۋىنىڭ بولاشاعى زور، ويتكەنى ادامنىڭ نەگىزگى دۇنيەتانىمدىق بەلگىلەرى بالالىق شاقتا قالانادى، جانە بۇگىنگى كۇنى وسكەلەڭ ۇرپاققا قانداي قۇندىلىقتار سالاتىندىعىمىزعا تۇمەن وبلىسىنداعى قازاق مادەنيەتىنىڭ بولاشاعىنا بايلانىستى»، دەلىنگەن حابارلامادا.
