ەكى اپاتقا بايلانىستى امەريكالىق اۆياكومپانياسىنىڭ باسشىسى اۋىستى
ەكى اپات كەزىندە 346 ادام كوز جۇمعان بولاتىن، دەپ حابارلايدى قازاقپارات euronews.com-عا سىلتەمە جاساپ.
بىلتىر قازان ايىندا يندونەزيادا Lion Air اۋە كومپانياسىنا تيەسىلى Boeing 737 Max لاينەرى اپاتقا ۇشىراپ 189 ادام قازا تاپتى. بيىل ناۋرىز ايىندا ەفيوپيادا Ethiopian Airlines اۋە كومپانياسىنىڭ وسىنداي مودەلدەگى ۇشاعى اپاتقا ۇشىراپ، 157 ادام كوز جۇمدى.
تەرگەۋ بارىسىندا ەكى اپات كەزىندە دە ۇشۋدى باسقارۋ جۇيەسىندە اقاۋ بولعانى انىقتالدى. وسىدان سوڭ كوپتەگەن ەلدەر ۇشاقتىڭ وسى سەريالى ءتۇرىن پايدالانۋدان باس تارتتى. Boeing كومپانياسى تاياۋدا عانا 2020-جىلدىڭ باسىنان باستاپ وسى ۇشاقتى جاساپ شىعارۋدى ۋاقىتشا توقتاتاتىن ءمالىم ەتتى.
كومپانيانىڭ جاڭا باس ديرەكتورى بولىپ باسقارما باسشىسى دەۆيد كەلحۋن تاعايىندالدى. ول قىزمەتىنە 13- قاڭتاردا كىرىسەدى.
Boeing ديرەكتورلار كەڭەسىنىڭ مالىمدەۋىنشە، باسشىلىقتى اۋىستىرۋ كومپانياعا دەگەن سەنىمدى قالپىنا كەلتىرۋدەگى قادام بولعان، ونىڭ ماقساتى «737 MAX- تى ۇشۋعا قاۋىپسىز ەتىپ قايتارۋ».
