جەل، تۇمان، كوكتايعاق - سەيسەنبىگە ارنالعان اۋا رايى بولجامى

نۇر-سۇلتان. قازاقپارات - سينوپتيكتەردىڭ بولجاۋىنشا سەيسەنبىدە ەلىمىزدە جەل كۇشەيىپ، تۇمان تۇسەدى، كوكتايعاق بولادى، سولتۇستىك وڭىرلەردە بوران سوعادى، دەپ حابارلايدى قازاقپارات قازگيدرومەتكە سىلتەمە جاساپ.

«24- جەلتوقساندا قازاقستاننىڭ باسىم بولىگىنە اتلانت مۇحيتىنان كەلەتىن انتيتسيكلون اسەر ەتەدى، جاۋىن-شاشىن توقتايدى. تەك ەلىمىزدىڭ سولتۇستىك جانە شىعىسىندا ءالى دە جاۋىن-شاشىن ساقتالعان فرونتالدى ايماقتا جاتىر. كەي جەرلەردە تۇمان ءتۇسىپ، كوكتايعاق بولادى، بۇرقاسىن سوعىپ، جەل كۇشەيەدى»، دەلىنگەن بولجامدا.

اقمولا، قوستاناي، سولتۇستىك قازاقستان وبلىستارىنىڭ كەي جەرلەرىندە بۇرقاسىن كۇتىلەدى، جەل 15-20 م/س كۇشەيەدى.

قوستاناي، سولتۇستىك قازاقستان وبلىستارىنىڭ كەي جەرلەرىندە تۇمان تۇسەدى. پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە جاياۋ بۇرقاسىن سوعادى، جەل 15-20 م/س كۇشەيەدى.

قاراعاندى، شىعىس قازاقستان وبلىستارىنىڭ كەي جەرلەرىندە تۇمان ءتۇسۋى ىقتيمال.

جامبىل، تۇركىستان، قىزىلوردا، باتىس قازاقستان، اقتوبە، تۇندە الماتى وبلىستارىنىڭ كەي جەرلەرىندە تۇمان ءتۇسۋى مۇمكىن.

جامبىل وبلىسىنىڭ كەي جەرلەرىندە كوكتايعاق كۇتىلەدى، تۇركىستان وبلىسىنىڭ كەي جەرلەرىندە جەل 15-20 م/س كۇشەيەدى.

اتىراۋ، ماڭعىستاۋ وبلىسىنىڭ كەي جەرلەرىندە جەل 15-23 م/س كۇشەيەدى، ماڭعىستاۋ وبلىسىندا شاڭدى داۋىل سوعادى.