ەينشتەيننىڭ قىزىق قىلىقتارى
ال بويىنداعى ومىرسۇيگىشتىك، تارتىمدىلىق، مەيىرىمدىلىك قاسيەتتەرى عىلىم تاريحىنداعى اتاقتى دا سۇيىكتى تۇلعاعا اينالدىردى. وسى تۇلعانىڭ قىزىقتى ارەكەتتەرىن نازارلارىڭىزعا ۇسىنامىز.
ەينشتەين مانسابىنا ەندى كىرىسكەن شاعىندا بىرەۋ ونىڭ جۇبايىنان كۇيەۋى تۋرالى ويىن سۇرايدى. ال ول بىلاي جاۋاپ بەرگەن ەكەن: - مەنىڭ جولداسىم كەمەڭگەر! ونىڭ قولىنان اقشا جاساپ شىعارۋدان باسقانىڭ ءبارى كەلەدى.
* * *
ءبىر كۇنى ەينشتەين پرينستون ۋنيۆەرسيتەتىنىڭ دالىزىندە كەلە جاتسا الدىنان جاس ءارى عىلىمعا ەندى- ەندى بەت بۇرا باستاعان فيزيك شىعادى. ەينشتەيننىڭ يىعىنان قاعىپ، وعان جاقتاسا قاراپ: - حالىڭ قالاي، ارىپتەس؟ - دەيدى. - ارىپتەس؟ - دەپ تاڭدانعان ءتۇر بىلدىرگەن ەينشتەين بىلاي دەيدى: - ءسىز دە ريەۆماتيزييەن اۋىراتىن با ەدىڭىز؟
* * *
ءبىر ءتىلشى ەينشتەيننەن عالىم بولماعانىندا نەمەسە جاستىق شاعى قايتا كەلەر بولسا قانداي ماماندىقتى تاڭدايتىنىن سۇرايدى. ول: - ەڭ تاۋەلسىز ماماندىقتى - سۋ جالعاۋشى نە شاعىن كاسىپپەن اينالىسۋ ماماندىعىن تاڭدار ەدىم، - دەپ جاۋاپ بەرەدى.
بۇل قالجىڭى كەيىن رەزونانس تۋعىزىپ، سۋ جالعاۋشىلاردىڭ كاسىبي وداق باسقارۋشىسى ۇلى فيزيككە كاسىبي وداقتىڭ ماقتاۋلى مۇشەسى بوپ سايلانعانى تۋرالى حابارلاما جىبەرەدى.
* * *
البەرت ەينشتەين سانگە اسا قىزىقپاعان، ۇستىنە ىلىككەنىن كيىپ جۇرە بەرەتىن كىسى بولعان. ءبىر كۇنى ونى نيۋ- يوركتەگى تانىسى كەزدەستىرىپ: - ەينشتەين مىرزا، سىزگە جاڭا پالتو الۋ كەرەك. ۇستىڭىزدەگىنىڭ توزىعى جەتكەن ەكەن، - دەيدى. - نە ءۇشىن؟ مەنى ءبارىبىر نيۋ- يوركتە ەشكىم تانىمايدى عوي، - دەگەن جاۋاپ الادى.
ارادا بىرنەشە جىل وتكەندە الگى بەيمازا تانىسى تاعى جولىعىپ قالىپ، تاعى دا جاڭا پالتو الۋ كەرەگىن ايتادى. وعان عالىم: - نە ءۇشىن؟ مەنى ونسىزدا بارلىعى تانيدى، - دەپ جاۋاپ بەرەدى.
Massaget.kz
