پوليتسيا ۋاتساپپەن جەكە قۇجاتتاردىڭ سۋرەتىن جىبەرمەۋگە كەڭەس بەرەدى
«قاۋىپسىزدىك ءۇشىن كىلت سوزدەردى (الەۋمەتتىك جەلىدە نەمەسە تەلەفوندا) ءجيى وزگەرتىپ تۇرعان ءجون. سەبەبى، قازىر قولىڭىزداعى تەلەفوندا ءبارى ساقتالادى. ومىرىڭىزدە ءبىر رەت بولسىن، WhatsApp ارقىلى جەكە كۋالىكتىڭ سۋرەتىن جىبەرگەن بولارسىزدار. كەي جاعدايدا ازاماتتار بانك كارتالارىنىڭ دا سۋرەتىن جولدايدى. مۇندايدان ساقتانۋ كەرەك. ويتكەنى، بۇل قۇجاتتاردىڭ كوشىرمەسىمەن- اق ونلاين- ساۋدا جاساي بەرۋگە بولادى. ينتەرنەتتى پايدالانۋدىڭ قاراپايىم ەرەجەلەلەرىن ساقتاعان دۇرىس»، - دەدى ق ر ءى ءى م قىلمىستىق پوليتسيا دەپارتامەنتىنىڭ كيبەرقىلمىسقا قارسى كۇرەس ورتالىعى باستىعىنىڭ ورىنباسارى رۇستەم دۇيسەتايەۆ ۆەدومستۆودا وتكەن باسپا ءسوز ءماسليحاتىندا.
ەسكە سالا كەتسەك، رۇستەم دۇيسەتايەۆ بۇعان دەيىن ينتەرنەت- الاياقتىقتىڭ باسىم بولىگى ترانس شەكارالىق سيپاتقا يە ەكەنىن اتاپ وتكەن بولاتىن. ونىڭ ايتۋىنشا، قولعا الىنعان شارالاردىڭ ارقاسىندا بيىل وسىنداي مىڭعا تارتا قىلمىس اشىلدى. وسى قىلمىستارعا قاتىستى 388 ادام ۇستالدى. ولاردىڭ 160-ى ەكى نەمەسە ودان دا كوپ قىلمىسقا قاتىسى بار دەگەن كۇدىككە ىلىنگەن.
اۆتور: ايان بەكەن ۇلى
