وزبەكستاندا پارلامەنت سايلاۋىنىڭ ناتيجەسى جاريالاندى

نۇر- سۇلتان. قازاقپارات - وزبەكستان رەسپۋبليكاسى پارلامەنتىنىڭ زاڭ شىعارۋشى پالاتاسى جانە حالىق دەپۋتاتتارى جەرگىلىكتى كەڭەستەرىنىڭ دەپۋتاتتارىن سايلاۋ اياقتالدى، دەپ حابارلايدى قازاقپارات ەلدىڭ ورتالىق سايلاۋ كوميسسياسىنا سىلتەمە جاساپ.

وزبەكستان ورتالىق سايلاۋ كوميسسياسىنىڭ ءتوراعاسى مىرزا- ۇلىقبەك ابدۋسالاموۆتىڭ مالىمدەۋىنشە، وزبەكستان رەسپۋبليكاسى وليي ءماجليسى زاڭ شىعارۋ پالاتاسىنا وزبەكستان ليبەرال دەموكراتيالىق پارتياسىنان 43 دەپۋتات سايلانىپ، پارلامەنتتە باسىمدىققا يە بولدى.

سونداي- اق پارلامەنتكە «ميليي تيكلانيش» دەموكراتيالىق پارتياسىنان - 35 دەپۋتات، «ادولات» سوتسيال- دەموكراتيالىق پارتياسىنان - 21 دەپۋتات، حالىق دەموكراتيالىق پارتياسىنان - 18 دەپۋتات، وزبەكستان ەكولوگيالىق پارتياسىنان - 11 دەپۋتات سايلانعان.

سايلاۋ بارىسىن 1150 شەتەلدىك ب ا ق وكىلى باقىلاپ وتىرعان.

و س ك مالىمدەۋىنشە، 22 سايلاۋ وكرۋگىندە قايتا سايلاۋ وتكىزىلەدى.

اۆتور: نۇرلان تۇياقوۆ