جەردى پايدالانباي جاتقاندارعا ناقتى شارالار قولدانىلادى - سەناتور
«ۇلتتىق قوعامدىق سەنىم كەڭەسىنىڭ وتىرىسىندا پرەزيدەنت قاسىم- جومارت كەمەل ۇلى اۋىل شارۋاشىلىعى جەرلەرىن پايدالانۋعا قاتىستى ناقتى ءبىراز ماسەلەلەردى كوتەردى. مەملەكەت باسشىسى حالىققا ارناعان جولداۋىندا دا، ودان كەيىن اقمولا وبلىسىندا وتكەن ۇلكەن ماجىلىستە دە جەردى ساپالى تۇردە يگەرۋ تاقىرىبىنا ەرەكشە ەكپىن قويدى. ۇلتتىق كەڭەس وتىرىسىندا جاڭا تەحنولوگيالاردىڭ مۇمكىندىگىن كەڭىنەن پايدالانۋعا قاتىستى تاپسىرما بەرىلىپ، عارىشتان مونيتورينگىلەۋ جۇيەسى ەسكەرىلىپ وتىر. بۇگىندە تەحنولوگيالار جەتىلگەن، عارىشتىق باقىلاۋ ارقىلى اۋىل شارۋاشىلىعى جەرلەرىنىڭ يگەرىلۋى جاعدايىن انىق كورۋگە بولادى. سوندىقتان جەردى پايدالانباي جاتقان لاتيفۋديستەردەن، شارۋا قوجالىقتارىنىنان ءتيىستى مەمورگاندار تاراپىنان دالەلدى تۇردە تالاپ ەتۋگە مۇمكىندىك تۋدىرماق» ، - دەدى سەناتور.
سونىمەن قاتار، م. بەكەتايەۆ ۇلتتىق كەڭەس وتىرىسىندا يگەرىلمەي جاتقان جەرلەردى ماجبۇرلەپ قايتارىپ الۋدىڭ ۋاقىتىن ەكى جىلدان ءبىر جىلعا دەيىن قىسقارتۋ قادامى كوتەرىلگەنىن ەسكە سالدى.
«قازىر ەندى ءبىر جىل مەرزىم بەرۋ قاراستىرىلىپ وتىر. ءبىر جىل مەرزىمدە جەر يگەرىلمەيتىن بولسا، ونى قايتارۋ مۇمكىندىگى جاسالماق. سەبەبى اۋىل شارۋاشىلىعى جەرىن يگەرمەۋ دەگەن شىنىندا دا وتە ۇلكەن قاتەلىك، وتە ۇلكەن كەمشىلىك بولىپ ەسەپتەلۋى كەرەك» ، - دەدى ءالي بەكتايەۆ.
مۇنىمەن قوسا، سەناتور پايدالانىلماي جاتقان ەگىس القاپتارى ءۇشىن سالتىق سالماقتى كوبەيتۋ تۇرىندەگى جاۋاپكەرشىلىكتى ارتتىرۋ وتە ماڭىزدى ەكەنىن اتاپ ءوتتى.
بۇدان بۇرىن حابارلانعانداي، ۇلتتىق قوعامدىق سەنىم كەڭەس وتىرىسىندا پرەزيدەنت قاسىم- جومارت توقايەۆ يگەرىلمەي جاتقان جەر ۋچاسكەلەرىنە سالىناتىن بازالىق سالىقتى 10 نان 20 ەسەگە دەيىن ارتتىرۋدى ۇسىندى.
سونىمەن قاتار مەملەكەت باسشىسى اۋىل شارۋاشىلىعى جەرلەرىن عارىشتان باقىلاۋ بويىنشا تاپسىرمالار بەردى.
