ەلىمىزدىڭ تاۋارلارى قىتايدىڭ الپاۋىت ونلاين دۇكەندەردە ساتىلادى

نۇر-سۇلتان. قازاقپارات - قىتايدا قازاقستان تاۋارلارىن ساتاتىن ساۋدا ءۇيى اشىلادى. ول حالىق ەڭ تىعىز ورنالاسقان ۋحان قالاسىندا ورنالاسپاق.

 بۇل تۋرالى ەلىمىزدىڭ ساۋدا جانە ينتەگراتسيا ءمينيسترى باقىت سۇلتانوۆ مالىمدەدى. ۆەدومستۆو باسشىسىنىڭ ايتۋىنشا، بۇگىندە قىتايعا ەكسپورتىمىزدىڭ جالپى قۇنى 1,3 ميلليارد دوللارعا جۋىقتايدى. بۇدان بولەك شاڭحايدا وتكەن يمپورت كورمەسىندە 30-دان استام وتاندىق ءوندىرۋشىنىڭ تاۋارى تانىستىرىلىپ، 150 ميلليون دوللارعا كەلىسىم جاسالدى.

سونداي- اق ەكسپورتتى ىلگەرىلەتۋ ماقساتىندا ونلاين ساۋدانى دامىتۋعا دا باسىمدىق بەرىلگەن. وسىنىڭ ارقاسىندا الەمدىك ينتەرنەت دۇكەندەرىنە ەلىمىزدىڭ بىرنەشە كومپانياسىنىڭ تاۋارلارى ۇسىنىلدى.

 باقىت سۇلتانوۆ، ق ر ساۋدا جانە ينتەگراتسيا ءمينيسترى:

 - «ينتەرنەت- ەكسپورتتاۋشى مەكتەبى» باعدارلاماسى ىسكە قوسىلدى جانە 2020 -جىلدىڭ باسىنا قارايتس 50 كاسىپورىن «التىن ءونىم بەرۋشى» مارتەبەسىمەن «Alibaba» حالىقارالىق پلاتفورماسىنا شىعارىلادى، ال 6 كومپانيا «Ebay» مەن «Etsy»- دە تانىستىرىلدى. ودان ءارى «Alibaba» الاڭىندا قازاقستاندىق پاۆيلون قۇرۋ جوسپارلانىپ وتىر، بۇل وسى پلاتفورمادا ءبىزدىڭ تاۋار وندىرۋشىلەردىڭ سانىن ارتتىرۋعا مۇمكىندىك بەرەدى.

www.24.kz