قازاقتىڭ كورپەسى لوندوندا بىرنەشە مىڭ فۋنتقا ساتىلادى – مينيستر
ونىڭ ايتۋىنشا، قازىرگى تاڭدا ميكرو، شاعىن جانە ورتا بيزنەسپەن اينالىسقان ءتيىمدى.
«جۇمىس ىستەۋ ءۇشىن مۇمكىندىك كوپ. ءبىز بۇل باعىتتى دامىتامىز، ويتكەنى ول ىشكى جانە سىرتقى نارىقتا دا كونيۋنكتۋراعا تەز بەيىمدەلە الادى. كورشى رەسەي، وزبەكستانمەن سالىستىرعاندا ءبىزدىڭ ىشكى نارىق شاعىن بولعانىمەن، بۇل جەردە كوپتەگەن مۇمكىندىك بار. العاشىندا كۇردەلى پروتسەستەردى تالاپ ەتپەيتىن ازىق- تۇلىك ونىمدەرى، ونەركاسىپتىك ءوندىرىس ونىمدەرى ءبىرىنشى كەزەكتە تۇر. مىسالى، قولمەن جاساۋعا بولاتىن ويىنشىقتار. مەن شاعىن كاسىپورىندارعا وسى ءىستى يگەرۋگە كەڭەس بەرەر ەدىم. سونداي- اق، وتە ماڭىزدى باعىت - تۋريزم»، - دەدى باقىت سۇلتانوۆ و ك ق- دا وتكەن باسپا ءسوز ءماسليحاتىندا.
ءمينيستردىڭ ايتۋىنشا، بولاشاعى بار كاسىپ ءتۇرى - تەرى مەن جۇننەن جاسالعان ونىمدەر شىعاراتىن شەبەرحانالار.
«نۇر- سۇلتان اكىمى بولعانىمدا وتە قىزىق باعىتتاردى دامىتۋمەن اينالىستىق. قازاقتىڭ كورپەسى لوندون بازارلارىندا بىرنەشە مىڭ فۋنتقا (1 دوللار - شامامەن 0,77 فۋنت) ساتىلۋى مۇمكىن ەكەن. بۇل ءۇي شارۋاسىنداعى ايەلدەردىڭ قولىنان كەلەتىن جۇمىس»، - دەدى مينيستر نارىقتاعى بوس ورىندار تۋرالى سۇراققا جاۋاپ بەرە وتىرىپ.
www.24.kz
