17:26, 23 - جەلتوقسان 2019 | GMT +5
يمانعالي تاسماعانبەتوۆتىڭ اناسى ومىردەن وزدى
ماسكەۋ. قازاقپارات - رەسەيدەگى قازاقستان ەلشىلىگى ۇجىمى يمانعالي نۇرعالي ۇلى تاسماعانبەتوۆكە اناسى، تانىمال پەداگوگ، جازۋشى ءدىلدا ماتاي قىزى قوقانوۆانىڭ قايتىس بولۋىنا بايلانىستى قايعىرىپ كوڭىل ايتتى.
«ءدىلدا ماتاي قىزى جاس بۋىننىڭ تاربيەسى مەن وتباسىلىق قۇندىلىقتاردى دارىپتەيتىن اعارتۋ ءىسىنىڭ جارقىن تۇلعالارىنىڭ ءبىرى ەدى. ونىڭ ءبىلىم بەرۋ سالاسىنداعى ەڭبەكتەرى پەداگوگتاردىڭ تالاي بۋىنىنا ءبىلىم كوزى بولاتىنىنا سەنىمدىمىز. ادامدى قانشا ۋاقىت ەستە ساقتاسا، ول سونشا ءومىر سۇرەدى. ءدىلدا ماتاي قىزى ءبىزدىڭ ەسىمىزدە ار- وجدانى، مادەنيەتى بيىك، جۇرەگى تازا ادام رەتىندە قالادى. ءسىزدىڭ، تۋىستارىڭىز بەن جاقىندارىڭىزدىڭ قايعىسىنا ورتاقپىز»، - دەلىنگەن ەلشىلىك سايتىنىڭ حابارلاماسىندا.
