16:02, 23 - جەلتوقسان 2019 | GMT +5
اۋىر اتلەتيكا: يليا يلين كاتاردا جۇلدەسىز قالدى
نۇر- سۇلتان. قازاقپارات - دوحادا اۋىر اتلەتيكادان كاتار كۋبوگى جارىسى مارەگە جەتتى، دەپ حابارلايدى قازاقپارات ءتىلشىسى.ليسەنزيالىق بۇل دودادا قازاقستاننان بارلىعى جەتى اتلەت ونەر كورسەتتى.
يليا يلين 96 كەلىگە دەيىنگى سالماقتا سىنعا ءتۇسىپ، قوسسايىس قورىتىندىسىندا بەسىنشى ورىندى قاناعات تۇتتى.
تاعى ءبىر قازاقستاندىق يبراگيم بەرسانوۆ 109 كەلىگە دەيىنگى سالماقتا جۇلدەگە قول سوزىم جەردەن توقتاپ، ءتورتىنشى ورىنعا يە بولدى.
ەسكە سالا كەتەيىك، ءبىز بۇعان دەيىن يگور سوننىڭ كاتارداعى تۋرنيردە جەڭىمپاز اتانعانىن، ال راۋشان مەشىتحانوۆانىڭ ۇزدىك تورتتىككە ىلىككەنىن جازعان بولاتىنبىز.
وسىلايشا قازاقستان قۇراماسى وليمپياداعا ىرىكتەۋ سايىستارىنىڭ ءبىرى سانالاتىن، رەيتينگتىك ۇپايلار بەرىلەتىن تۋرنيردە جالعىز مەدالمەن شەكتەلدى.
