جانىبەك قوجىق: شەتەلدىك جۇمىس كۇشىنە كۆوتا قىسقارسا، ەلدەگى جۇمىسسىزدار سانى دا ازايادى
ەسكە سالا كەتسەك، جانىبەك قوجىق - ءوزى دە سول ۇلتتىق كەڭەس مۇشەسى. وسىعان وراي ول شەتەلدىك جۇمىسشىلار جانە ەلدەگى جۇمىسسىزدىق ماسەلەسى بۇعان دەيىنگى وتىرىس اياسىندا كوتەرىلگەنىن اتاپ وتەدى. جانىبەك قوجىقتىڭ ايتۋىنشا، ۇلتتىق كەڭەس جۇمىسىن سىنايتىندار دا، قۇپتايتىندار دا بارشىلىق. بۇل، ارينە، قوعامنىڭ زاڭدىلىعى، وي مەن پىكىردىڭ ەركىندىگى. سوندىقتان دا ول بارلىق پىكىرلەرگە تۇسىنىستىكپەن قارايتىنىن العا تارتادى.
«ەڭ باستىسى ەلىمە، جەرىمە، قاراپايىم اۋىل حالقىنا ءسال دە بولسا پايدام ءتيسىن دەگەن ماقساتپەن وسى كەڭەسكە كىردىم. مەن اۋىلدا تۇرامىن، اۋىل حالقىنىڭ ەڭ باستى ماسەلەسى - جۇمىسسىزدىق. جاستار جۇمىس ىزدەپ قالاعا كوشۋدە، سوعان قاراعاندا قالانىڭ جاعدايى، اۋىلعا قاراعاندا شۇكىر بولار دەپ ويلايمىن»، - دەپ جازادى جانىبەك قوجىق الەۋمەتتىك جەلىدە.
ۇلتتىق كەڭەستىڭ العاشقى وتىرىسى 6 - قىركۇيەكتە وتكەن بولاتىن. وندا جانىبەك قوجىق تا جۇمىسسىزدىق ماسەلەسىن جانە ونى ازايتۋدىڭ جولدارى تۋرالى ماسەلە كوتەرگەن ەكەن.
«ەڭ باستىسى، شەتەلدەن كەلەتىن جۇمىسشىلارعا بەرىلەتىن كۆوتانىڭ سانىن قىسقارتۋ، زاڭسىز كەلگەندەرىن ەلدەن شىعارۋ، ولاردىڭ ورنىنا جۇمىسسىز جۇرگەن جاستاردى جۇمىسقا قابىلداۋدى سۇراعان بولاتىنمىن. ۇلتتىق كەڭەستىڭ 20 - جەلتوقسانداعى وتكەن ەكىنشى وتىرىسىندا مەملەكەت باسشىسى قاسىم- جومارت توقايەۆ مىرزا شەتەلدەن كەلەتىن جۇمىسشىلارعا بەرىلەتىن كۆوتانىڭ سانىن قىسقارتىپ، ولارعا قويىلاتىن تالاپتاردى كۇشەيتىپ، بۇل جاعدايدى قاتاڭ باقىلاۋعا الاتىنىن ايتتى»، - دەدى ول.
جانىبەك قوجىقتىڭ ويىنشا، سول قىسقارعان شەتەلدىك جۇمىسشىلاردىڭ ورنىنا جۇمىسسىز جۇرگەن مىڭداعان جاستار جۇمىسقا كىرەتىن بولادى.
«بۇل تەڭىزگە تامعان تامشىداي بولسا دا ەلگە تيگەن پايدا عوي. سوندىقتان دا ۇلتتىق كەڭەسكە كىرگەنىم ءۇشىن، ازىرگە، وكىنبەيمىن. مۇمكىندىگىڭ بولىپ تۇرعاندا ۇلتتىق كەڭەستى ەلدىڭ مۇددەسىنە نەگە پايدالانباسقا، نەگە ەلدىڭ اماناتىن بيلىككە تۋرا ايتپاسقا؟! الدە دە تالاي ايتار ۇسىنىستارىم، ماڭىزدى ماسەلەلەرىم بار»، - دەپ جازدى قوعام بەلسەندىسى.
اۆتور: ءلايلىم ءالىم
