14:55, 23 - جەلتوقسان 2019 | GMT +5
گولوۆكينىڭ كەلەسى جەكپە-جەگى وتەتىن كۇن بەلگىلى بولدى
نۇر-سۇلتان. قازاقپارات - IBF/IBO نۇسقاسى بويىنشا ورتا سالماقتاعى الەم چەمپيونى گەننادي گولوۆكينمەن سەرىكتەستىكتەگى Matchroom Boxing پروموۋتەرلىك كومپانياسىنىڭ باسشىسى ەددي حيرن قازاقستاندىقتىڭ كەلەسى جەكپە-جەگى قاشان وتەتىنىن مالىمدەدى، دەپ حابارلايدى قازاقپارات ءتىلشىسى Sports.kz-كە سىلتەمە جاساپ.
GGG كوكتەمدە رينگكە ورالىپ، مىندەتتى قارسىلاسى پولشالىق كاميل شەرەمەتكە قارسى جەكپە-جەك وتكىزەدى. بۇل كەزدەسۋدە گەننادي 5- قازاندا سەرگەي دەريەۆيانچەنكودان جەڭىپ العان IBF تيتۋلىن العاش رەت قورعايدى. كەزدەسۋ چيكاگودا وتەدى دەگەن جورامال بار.
«گولوۆكين شەرەمەتپەن ناۋرىزدىڭ سوڭىندا، ناقتىراق ايتساق، 28- ناۋرىزدا كەزدەسۋى مۇمكىن»، - دەپ مالىمدەدى حيرن.
