جوعارى جىلدامدىقتى ينتەرنەت جەلىسى ەكونوميكانى دامىتۋعا قانداي سەرپىن بەرە الادى
شارا بارىسىندا كومپانيا IoТ، سمارت سيتي، بيگ داتا، بەينەباقىلاۋ بويىنشا جوبالاردىڭ شەشىمىن ۇسىنباق. فورۋم الاڭىندا وتاندىق جانە شەتەلدىك ساراپشىلار مەملەكەتتىك قىزمەتتى سيفرلاندىرۋ، ءوندىرىستى تەحنولوگيالىق ترانسفورماتسيالاۋ، ت ۇ ك ش سالاسىن اۆتوماتتاندىرۋ، قارجىلىق تەحنولوگيالاردى دامىتۋ ماسەلەلەرىن تالقىلاماق.
حالىقارالىق فورۋمدا ءسوز باستاعان ق ر سيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى دارىن تۇياقوۆتىڭ ايتۋىنشا، IOT فورۋم - سيفرلاندىرۋ مەن ۇزدىك تەحنولوگيالاردى ەنگىزۋ ىسىندەگى سالالىق ءارى ءىرى ءىس-شارا. كەيىنگى ءۇش جىلدا قاتارىنان ءۇش مارتە وتكىزىلگەن حالىقارالىق فورۋمدا الەمدىك ساراپشىلار ويلارىن ورتاعا سالىپ، ورتالىق جانە ايماقتىق مەملەكەتتىك ۇيىمداردىڭ باسشىلارى تاجىريبە جيناپ قايتادى.
«ەلدىڭ الەۋمەتتىك-ەكونوميكالىق دامۋىندا سيفرلاندىرۋدىڭ ءرولى شەشۋشى ماڭىزعا يە. دامىپ كەلە جاتقان نەمەسە دامىعان مەملەكەتتەر سيفرلاندىرۋ ءىسىن جەتەلەۋگە مۇمكىندىك بەرەرلىك قاجەتتى ساياسي تەتىكتەردى ازىرلەي ءبىلۋى ءتيىس. كۇن تارتىبىندە سيفرلىق مىندەتتەردى ورىنداۋ ءۇشىن ەلباسى «سيفرلىق قازاقستان» باعدارلاماسىن بەكىتكەن بولاتىن. باعدارلاما ەكونوميكانىڭ سان-سالاسى مەن مەملەكەتتىك قىزمەتتەردى سيفرلاندىرۋدى، جوعارى جىلدامدىقتى جانە قورعالعان تەلەپروەكتسيالىق ينفراقۇرىلىمدى دامىتۋعا باعىتتالعان»، - دەيدى ول.
ۆيتسە-ءمينيستردىڭ ايتۋىنشا، الەمدىك تەحنولوگيا ءبىر جەردە توقتاپ تۇرمايدى. ءبىرقاتار مەملەكەتتەر 5G ينتەرنەت جەلىسىن ەنگىزۋ ماسەلەسىن قىزۋ تالقىلاپ جاتىر.
«جۋىردا عانا مىسىرداعى شار-ەل-شەيحتە ۇلكەن كونفەرەنتسيا وتكىزىلىپ، 5G ينتەرنەت جەلىسىن ەنگىزۋ ماسەلەسى تالقىلاندى. نەگىزىنەن 5G ەكونوميكانىڭ، اقىلدى قالالاردىڭ دامۋىنا سەرپىن بەرىپ، جاڭا ماماندىقتاردى اشادى. قازاقستاننىڭ ايماقتاعى موبيلدىك ترافيكتى بەلسەندى قولداناتىن ەلدەردىڭ ءبىرى ەكەنىن ەسكەرە وتىرىپ، ەل ازاماتتارىنىڭ جوعارى جىلدامدىقتى ينتەرنەتكە سۇرانىسى جوعارى ەكەنىن اڭعارۋعا بولادى. قازىرگى تاڭدا قازاقستان بۇل تەحنولوگيانى ەنگىزىپ جاتقان ەلدەردىڭ ءبىرى. بيىلدىڭ وزىندە نۇر-سۇلتان مەن الماتىدا 5G تەستىلىك رەجىمنەن ءوتتى. قازان ايىندا شىمكەنتتە دە تەستىلەۋ جۇرگىزىلدى»، - دەدى ول.
دارىن تۇياقوۆ ءوز سوزىندە جوعارى جىلدامدىقتى ينتەرنەت جەلىسىن تەستىلەۋ ءارتۇرلى دياپازوندىق جيىلىكتە جۇرگىزىلگەنىن ايتادى.
«بۇگىنگى كۇنى 5G جەلىسىن كوممەرتسيالىق تۇرعىدا ەنگىزۋ ماسەلەسى پىسىقتالۋدا. بايلانىس وپەراتورلارىمەن بىرگە بۇل ماسەلە تالقىلانىپ جاتىر. 5G جاي عانا ۇيالى بايلانىس قانا ەمەس، تەلەمەديتسينا، ءوندىرىستى سيفرلاندىرۋ، پيلوتسىز كولىكتى باسقارۋ سالالارىن كەڭىنەن قامتيدى»، - دەدى ول.
