ازاماتتارعا كومەك كورسەتۋ بويىنشا الەۋمەتتىك قور قۇرىلادى - ادىلەت ءمينيسترى
«وسى ماسەلەدە جاعدايدى جاقسارتۋدىڭ قوسىمشا تەتىكتەرىنىڭ ءبىرى رەتىندە بولەك قور قۇرۋ بولادى. بيىلعى 21- قاراشادا جەكە سوت ورىنداۋشىلارىنىڭ كەزەكتەن تىس سەزى ءوتتى. وندا سوت اكتىلەرىن ورىنداۋدىڭ تيىمدىلىگىن ارتتىرۋدىڭ ماسەلەسى قارالىپ، اليمەنتتى ءوندىرۋ پروبلەمالارى دا نازاردان تىس قالمادى. سەزد قورىتىندىسى بويىنشا الەۋمەتتىك قور قۇرۋ شەشىمى قابىلداندى»، - دەدى مينيستر پارلامەنت ماجىلىسىندەگى ۇكىمەت ساعاتىندا.
قوردىڭ ماقساتى - اتقارۋشى ءوندىرىس تاراپتارى بولىپ سانالاتىن ءارى قيىن الەۋمەتتىك جانە قارجىلىق جاعدايداعى ازاماتتارعا كومەك كورسەتۋ.
«قوردىڭ بيۋجەتىن مۇشەلىك جارنا مەن ەرىكتى جاردەم ەسەبىنەن رەسپۋبليكالىق پالاتا مۇشەلەرى قالىپتاستىرادى. سوندىقتان قور قارجىسى ليميتتەلگەن. قور جۇمىسىن پالاتانىڭ قامقورشىلىق كەڭەسى قاداعالايدى»، - دەدى مارات بەكەتايەۆ.
بۇدان بۇرىن حابارلانعانداي، ماجىلىستەگى ۇكىمەت ساعاتىندا مارات بەكەتايەۆ پروبلەمالى اليمەنتتەر سانى قانشالىقتى قىسقارعانىن ايتتى.
