پرەزيدەنتتىڭ ۇلتتىق كەڭەس وتىرىسىندا سويلەگەن ءسوزىنىڭ تولىق ۆيدەوسى جاريالاندى

نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆتىڭ ۇلتتىق قوعامدىق سەنىم كەڭەسىنىڭ ەكىنشى وتىرىسىندا جاساعان بايانداماسىنىڭ تولىق ۆيدەوسى جاريالاندى، دەپ حابارلايدى قازاقپارات مەملەكەت باسشىسىنىڭ كەڭەسشىسى ەرلان قارينگە سىلتەمە جاساپ.

«ۇلتتىق قوعامدىق سەنىم كەڭەسىنىڭ ەكىنشى وتىرىسىندا پرەزيدەنت قاسىم-جومارت توقايەۆتىڭ جاساعان بايانداماسى»، دەلىنگەن بەينەروليكتەگى جازبادا.

ەسكە سالا كەتسەك، 20- جەلتوقساندا ەلورداداعى تاۋەلسىزدىك سارايىندا پرەزيدەنت قاسىم-جومارت توقايەۆتىڭ قاتىسۋىمەن ۇلتتىق قوعامدىق سەنىم كەڭەسىنىڭ ەكىنشى وتىرىسى وتكىزىلدى.

جيىنعا ق ر پرەزيدەنتى اكىمشىلىگىنىڭ باسشىسى ەرلان قوشانوۆ، پرەزيدەنت كەڭەسشىسى ەرلان قارين، ۇكىمەت باسشىسىنىڭ ورىنباسارى بەردىبەك ساپاربايەۆ، اقپارات جانە قوعامدىق دامۋ ءمينيسترى داۋرەن ابايەۆ، دەنساۋلىق ساقتاۋ ءمينيسترى ەلجان ءبىرتانوۆ، ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ، سونداي-اق كەڭەس مۇشەلەرى قاتىستى.

پرەزيدەنت جيىندا «ۇلتتىق كەڭەس قوعامنىڭ سەنىمىن اقتاي الاتىنىن دالەلدەدى» دەپ ءمالىم ەتتى.

وتىرىستا ۇلتتىق كەڭەستىڭ حاتشىلىعى مەملەكەت باسشىسىنا ەسەپ بەردى.

ەستەرىڭىزگە سالا كەتسەك، 2019-جىلدىڭ 12- ماۋسىمىندا مەملەكەت باسشىسى ق ر پرەزيدەنتى جانىنان ۇلتتىق قوعامدىق سەنىم كەڭەسىن قۇرۋ تۋرالى جارلىققا قول قويدى.

ال 6- قىركۇيەكتە ەلورداداعى تاۋەلسىزدىك سارايىندا قازاقستان پرەزيدەنتى قاسىم-جومارت توقايەۆتىڭ توراعالىعىمەن ۇلتتىق قوعامدىق سەنىم كەڭەسىنىڭ العاشقى وتىرىسى وتكەن ەدى.