«ورتالىق ازيانىڭ تالانتى» بايقاۋىنىڭ جەڭىمپازدارى انىقتالدى

نۇر-سۇلتان. قازاقپارات - ەلوردادا «Central Asia’s Got Talent» شوۋىنىڭ فينالى ءوتتى، دەپ حابارلايدى قازاقپارات حابار 24 تەلەارناسىنا سىلتەمە جاساپ.

اقتىق سىنعا بىرنەشە قاتىسۋشى وتكەن بولاتىن. اراسىندا جەرلەستەرىمىز دە بار.

بايقاۋدا قازاقستاننان عالىمجان اۋەسباي، قىرعىزستان ەلىنەن ايجان نۇسىپاليەۆا، تاجىكستاننان پاديدا جانە وزبەكستاننان دالەر شاۆكاتوۆ جەڭىمپاز اتاندى.

ال باس جۇلدە، ياعني 10 ميلليون تەڭگە تاجىكستان ەلىنەن كەلگەن چورشانبە الوۆاتوۆكە بۇيىردى.

ايتا كەتەرلىگى، Got Talent جوباسىنىڭ گراند-فينالى جەكسەنبى كەشكە ەلورداداعى كەلىسىم جانە بەيبىتشىلىك سارايىندا ءوتتى. جوبا 4 تەلەارنادا تىكەلەي ەفيردە كورسەتىلدى فينالدا ۇزدىك ءانشى، ءبيشى، سيقىرشى مەن اكروباتتار وزدەرىنىڭ اقتىق سىنعا دايىنداعان بىرەگەي جوبالارىن كورەرمەندەر نازارىنا ۇسىندى.