سەمەي كوشەسىن سىلەۋسىن كەزىپ ءجۇر
جۋىقتا الەۋمەتتىك جەلىلەرگە قالاعا قاراستى اۋدانداردىڭ ءبىرىن كەزىپ جۇرگەن سىلەۋسىننىڭ ۆيدەوسى تاراپ كەتكەن ەدى. زوولوگ ۆيكتور حروموۆ بۇل اقپاراتتى راستاپ، ءتۇز تاعىسىنىڭ قالاعا كىرىپ كەتكەنىن كورگەنىن، وسىعان قاتىستى بىرنەشە ادامنىڭ حابارلاسقانىن ايتىپ بەردى.
«ۆيدەونى كوردىم. دەنە تۇرقىنا قاراپ، اڭنىڭ جاس ەكەنىن اڭعارۋعا بولادى. بۇل كادىمگى سىلەۋسىن. ايماعىمىزدا كەڭىنەن كەزدەسەدى. ورمان مىسىعىنىڭ بۇل ءتۇرى قاراعايلى ورماندا مەكەن ەتەدى»، - دەيدى ۆيكتور حروموروۆ.
زوولوگ سىلەۋسىننىڭ بىرەۋدىڭ قولىندا اسىراۋدا بولعانىن بولجاپ وتىر. ونىڭ ايتۋىنشا، ءتۇز تاعىسىن بىرەۋلەر ورماننان ۇستاپ الىپ، اسىراعان. كەيىن ول قاشىپ كەتكەن.
«جاس سىلەۋسىن شوشىپ قالعان. تەزىرەك ءبىر جەردە بوي تاسالاعىسى كەلگەنى بايقالادى»، - دەيدى زوولوگ.
ايتا كەتسەك، وسكەمەن كوشەسىندە جابايى ەلىك جۇرگەن ۆيدەو تاراعان ەدى.
اۆتور: ايان بەكەن ۇلى
