08:55, 23 - جەلتوقسان 2019 | GMT +5
ەڭ كوپ تابىس تاپقان جازۋشىلار رەيتينگىن باستاپ تۇرعان قالامگەر
نۇر-سۇلتان. قازاقپارات - امەريكالىق Forbes جۋرنالىنىڭ ۇيعارىمى بويىنشا 2019-جىلعى ەڭ كوپ تابىس تاپقان جازۋشىلاردىڭ ءتىزىمىن بريتاندىق جازۋشى دجوان روۋلينگ باستاپ تۇر.
رەيتينگ باسىلىمنىڭ رەسمي سايتىندا جاريالاندى.
روۋلينگتىڭ نيۋ-يوركتاعى برودۆەي تەاترىندا بولعان سپەكتاكل بيلەتتەرىنىڭ ساتىلىمى رەكوردتىق كورسەتكىشكە جەتتى، كىتابىنىڭ 2,8 ميلليون كوشىرمەسى ساتىلدى، تاقىرىپتىق ويىن-ساۋىق پاركىنەن تۇسەتىن كىرىسى مەن سوڭعى كىتابىن ەكرانعا شىعارۋدان جينالعان قاراجاتى ونىڭ العاشقى ورىندى يەلەنۋىنە سەبەپ بولدى. جازۋشىنىڭ جالپى كىرىسى 92 ميلليون دوللاردى قۇراعان.
ەكىنشى ورىندا - بيلل كلينتونمەن بىرگە «پرەزيدەنت جوعالدى» رومانىن جازعان امەريكالىق جازۋشى دجەيمس پاتتەرسون. ونىڭ تابىسى 70 ميلليون دوللار.
رەيتينگتەگى ءۇشىنشى ورىنعا ا ق ش- تىڭ ەكس-ءبىرىنشى حانىمى ميشەل وباما جايعاستى. ول ءوزىنىڭ BECOMING كىتابىن ساتۋ ارقىلى 36 ميلليون دوللار تاپقان.
