ەلوردالىق ەرەكشە بالالار تاەكۆوندو بەلدىگىن قورعادى

نۇر-سۇلتان. قازاقپارات - ەلوردادا العاش رەت ەرەكشە كۇتىمدى تالاپ ەتەتىن بالالار بەيىمدىلگەن تاەكۆوندودان اق، سارى جانە قىزعىلت سارى ءتۇس بەلدىكتەرىن قورعادى، دەپ حابارلايدى قازاقپارات ءتىلشىسى.

«بۇگىندە ءبىزدىڭ ورتالىقتا 25 بالا مۇگەدەك جاندارعا بەيىمدەلگەن تاەكۆوندومەن اينالىسادى. بۇل الدىمەن بالالاردىڭ دەنساۋلىعى ءۇشىن پايدالى. سەبەبى بۇل جەردە ولاردىڭ كوبىسى د ت س پ جانە اۋتيزممەن اۋىرادى. ال سپورت ولاردىڭ دەنساۋلىعىنىڭ جاقسارۋ بالانسىن ساقتاۋعا وڭ اسەرىن تيگىزەدى. ءار بالانىڭ قابىلەتى مەن دەڭگەيى ءارتۇرلى، سەبەبى ول ديگانوزعا بايلانىستى. دەگەنمەن ەرتە جاستان اينالىسقانى دۇرىسىراق. ارينە، العاشقى ۋاقىتتا قيىنعا تۇسەدى، ەڭ باستىسى ينتەللەكتىسى جوعالماسا، بالا الىپ كەتەدى. بالالار اپتاسىنا 2 رەت 1 ساعاتتان جاتتىعادى»، - دەدى بەيىمدەلگەن تاەكۆوندو جاتتىقتىرۋشىسى ميراس تولەبايەۆ.

بۇگىنگى شارادا بارلىعى 14 بالا 3 ءتۇرلى (اق، سارى، قىزعىلت سارى) ءتۇستى بەلدىككە يە بولدى.

«ەرەكشە كۇتىمدى قاجەت ەتەتىن بالالاردى بەيىمدەلگەن تاەكۆوندومەن شۇعىلدانۋ جوباسى ەلىمىزدە العاش قولعا الىنىپ وتىر دەسەك تە بولادى. سەبەبى د ت س پ مەن اۋتيزمگە شالدىققان بالالاردىڭ دەنساۋلىعى ەرەكشە كۇتىمدى تالاپ ەتەدى. الداعى ۋاقىتتا سپورتپەن اينالىساتىن بالالاردىڭ سانىن ارتقانىن قالايمىن، سونداي-اق وسىنداي ەرەكشە بالالارعا ارنالعان سپورت اكادەمياسىن اشقىم كەلەدى»، - دەيدى ول.

«مەنىڭ جاسىم 8 دە، 3-سىنىپتا وقيمىن. تاەكۆوندومەن 3 جىل بويى اينالىسىپ كەلەمىن. وسىعان دەيىن تاەكۆوندودان جارىسقا قاتىسىپ، كۋبوك جەڭىپ الدىم. ءبىز ترەنەرمەن اپتاسىنا 4-5 رەت جاتتىعامىز. ماعان تاەكۆوندومەن اينالىسقان ۇنايدى»، - دەيدى بەيىمدەلگەن تاەكۆوندودان قىزعىلت ءتۇس بەلدىكتى قورعاعان نۇرمۇحاممەد ەلەمەس.

نۇر-سۇلتانداعى پاراليمپيادالىق جاتتىعۋ ورتالىعىنداعى سپورتتىق شارا «Samruk-Kazyna-Trust»  الەۋمەتتىك جوبالاردى دامىتۋ قورىنىڭ ۇيىتقى بولۋىمەن ءوتتى.