ەلوردادا پلاستيك بوتەلكەدەن جاسالعان شىرشا ورناتىلدى

نۇر-سۇلتان. قازاقپارات - نۇر-سۇلتاندا پلاستيك بوتەلكەدەن شىرشا ورناتىلدى، دەپ حابارلايدى قازاقپارات.

ەكولوگيا، گەولوگيا جانە تابيعي رەسۋرستار مينيسترلىگىنىڭ جاڭا جىلدا تابيعي شىرشالاردان باس تارتۋ جونىندەگى باستاماسى بويىنشا «ەكو-شىرشا» چەللەندجى باستالدى. حالىقارالىق «جاسىل» تەحنولوگيالار ورتالىعىندا وتكەن شاراعا ەكولوگيا ۆيتسە-ءمينيسترى احمەتجان ءپىرىمقۇلوۆ، ح ج ت و جانە وندىرۋشىلەردىڭ كەڭەيتىلگەن مىندەتتەمەلەرى (و ك م) وپەراتورى» ج ش س باسشىسى قاتىستى.

شارا اياسىندا پلاستيكالىق بوتەلكەدەن شىرشا جاسالدى. جاساندى شىرشاننى جاساۋعا 250 گە جۋىق پلاستيك قۇتى قولدانىلدى. ەكو-شىرشانىڭ بيىكتىگى 2 مەتردەن اسادى. وسىلايشا ەكو-شىرشا اۆتورى قورشاعان ورتانى قورعاۋ ماقساتىندا تابيعي شىرشادان باس تارتىپ، جاساندى شىرشالاردى پايدالانۋدى داستۇرگە اينالدىرۋدى كوزدەپ وتىر.

«شىرشا بالالار جاساعان ويىنشىقتارمەن بەزەندىرىلدى. مينيسترلىكتىڭ باستاماسىن و ك م وپەراتورى مەن مەكتەپ وقۋشىلارى قولداپ، پلاستيكتەن شىرشا جانە وعان ويىنشىقتار دايىنداعانى كوڭىل قۋانتادى»، - دەدى ەكولوگيا، گەولوگيا جانە تابيعي رەسۋرستار ۆيتسە-ءمينيسترى احمەتجان ءپىرىمقۇلوۆ.

مينيسترلىكتىڭ ەكولوگيالىق يگى باستاماسىن اقتوبە وبلىسىنداعى قالدىق شىعاراتىن «ن ە و-پليۋس» كومپانياسى قولداۋعا دايىن ەكەندىگىن ءبىلدىردى.

كاسىپورىن قازىر 3 مەترلىك پلاستيك شىرشانىڭ قاڭقاسىن ازىرلەپ جاتىر. ودان «ءارى ەستافەتا قاراعاندى، كوكشەتاۋ، شىمكەنت، وسكەمەن جانە الماتى قالالارىنداعى مامانداندىرىلعان كاسىپورىندارعا جولداناتىن بولادى.

سونىمەن قاتار ەكولوگيالىق تاقىرىپتاعى جاڭا جىلدىق بەزەندىرۋلەر نۇر-سۇلتان قالاسى مەن قاراعاندى وبلىسىنىڭ مەكتەپتەرىندە دە جالعاسىن تابادى»، دەلىنگەن حابارلامادا.

«ەكو-شىرشا» جاڭا جىلدىق چەللەندجىن ۇيىمداستىرۋشىلاردىڭ باستى ماقساتى - تابيعي شىرشانى وتاۋدان ساقتاۋ. جانە وسى باستاماعا قازاقستاندىقتاردى شاقىرۋ.

جاڭا جىلدان كەيىن جاساندى شىرشا شيكىزات رەتىندە قايتا وڭدەۋگە جىبەرىلەدى.