جاس اقىنداردىڭ «جاڭا عاسىر اۋەندەرى» اتتى انتولوگياسىنىڭ تۇساۋى كەسىلدى
جيناقتىڭ تۇساۋىن ەرلان ايتاحانوۆ سالتاناتتى تۇردە اشىپ، بەلگىلى ايتىسكەر اقىن اقمارال لەۋبايەۆا جاستارعا ءوزىنىڭ ارناۋىن ايتتى، دەپ حابارلايدى قازاقپارات ءتىلشىسى.
جاڭا تۋىندىدا قالاداعى 12 جاس اقىننىڭ قوعام، رۋحاني جاڭعىرۋ، تانىم، سۇيىسپەنشىلىك، پاتريوتيزم جانە تاعى باسقا تاقىرىپتاعى ولەڭدەرى باسىلعان. جيناق تۇلعانى جان-جاقتى دامىتىپ، رۋحاني قالىپتاستىرۋعا باعىتتالعان. قالا اكىمى وسى تۋىندىعا ولەڭدەرى شىققان شىعارماشىل جاستارعا شىعارما ارقىلى قوعامدا ۇلى قۇندىلىقتار قالىپتاستىرىپ، وركەندەتۋ جولىنداعى قىزمەتتەرىنە تابىس تىلەدى. قاشان دا قوعامنىڭ ەڭ وتكىر دە وزەكتى ماسەلەلەرى مەن ىشكى بولمىستى ولەڭمەن جەتكىزىپ، قازاق پوەزياسىن ودان ءارى دامىتۋعا ۇلەس قوسۋلارىنا تىلەك ءبىلدىردى.
«بۇل جيناق وقىرمانداردىڭ قىزىعۋشىلىعىن تۋدىرىپ، بولاشاعىن قالىپتاستىرۋعا زور مۇمكىندىك بەرەتىنىنە سەنىمدىمىن»، - دەدى قالا اكىمى ەرلان ايتاحانوۆ.
سالتاناتتى شارادا «شام» جاس اقىندار كلۋبىنىڭ مۇشەلەرى اۆتورلىق ولەڭدەرىن وقىدى. سونداي-اق، شارا سوڭىندا جەرگىلىكتى اقىندار جىر توگىپ، جاڭا اۋەندەر اۋەلەدى.
