12:18, 21 - جەلتوقسان 2019 | GMT +5
قازاقستاندىق بوكسشى وزبەكستاندىق قارسىلاسىن نوكاۋتپەن جەڭدى
نۇر-سۇلتان. قازاقپارات - قاراعاندى قالاسىندا بوكستان عالىم جارىلعاپوۆتى ەسكە الۋعا ارنالعان حالىقارالىق تۋرنيردە قازاقستاندىق توعامباي ساعىندىق فينالعا شىقتى، دەپ حابارلايدى قازاقپارات ءتىلشىسى.
ت. ساعىندىق اۋىر سالماقتا جارتىلاي فينالدا جارىستىڭ فاۆوريتى سانالعان وزبەكستاندىق الىشەر نيزوموۆتى مەرزىمىنەن بۇرىن ۇتتى.
ەكىنشى راۋندتا ءا. نيزوموۆتىڭ باپكەرلەرى رينگكە ورامال لاقتىرىپ، باسەكەدەن باس تارتۋعا ءماجبۇر بولدى.
اسقار ەركەبايەۆ پەن ازامات يگىبايەۆ جاتتىقتىراتىن توعامباي بيىل قاراشادا ۇلانباتىردا جاستار اراسىندا وتكەن ازيا چەمپيوناتىندا ەكىنشى مارتە جەڭىمپاز اتانعان بولاتىن. ول وندا دا فينالدا وزبەك بوكسشىسى اميرشوح سامادوۆتى 5:0 ەسەبىمەن تىزە بۇكتىرگەن ەدى.
