ەڭ سەنىمسىز قۇپياسوزدەر ءتىزىمى جاريالاندى
كومپانيانىڭ مالىمەتىنشە، رەيتينگ جاساۋ ءۇشىن الاياقتار اككاۋنتتاردى بۇزۋ كەزىندە انىقتاپ العان بەس ميلليوننان استام قۇپياءسوز تالدانعان. جىلدىڭ ەڭ ناشار پارولى رەتىندە بىردەن التىعا دەيىنگى سانداردىڭ قاراپايىم رەتتىلىگىنەن قۇرىلعان 123456 ءقۇپياسوزى تانىلدى.
ەكىنشى ورىندى بىردەن توعىزعا دەيىنگى ساندار تىزەگى 123456789 يەلەندى ءۇشىنشى ورىندى پەرنەتاقتانىڭ جوعارعى قاتارىنداعى بەس پەرنە، ياعني qwerty الدى.
سونىمەن قاتار admin, welcome جانە password1 قۇپياسوزدەرى دە تىزىمگە كىردى. «ءبىزدىڭ تىزىمگە جاڭادان ەنگەن قۇپياسوزدەن مىنالار: 1q2w3e4r جانە qwertyuiop»، - دەدى كومپانيانىڭ اتقارۋشى ديرەكتورى مورگان سلەين.
ساراپشىلار ەگەر پايدالانۋشىلار وزدەرىنىڭ قۇپياسوزدەرىن اتالعان تىزىمنەن تاپسا، قاۋىپسىزدىك ءۇشىن ونى مىندەتتى تۇردە وزگەرتۋى كەرەك ەكەنىن ايتىپ ءوتتى.
www.24.kz
