ە ا ە و مەملەكەتتەرىندەگى ەڭبەككەرلەردى زەينەتاقىمەن قامتۋ كەلىسىمىنە قول قويىلدى

سانكت- پەتەربۋرگ. قازاقپارات - سانكت- پەتەربۋرگتە جوعارى ەۋرزيالىق ەكونوميكالىق كەڭەس (ج ە ە ك) وتىرىسىنىڭ قورىتىندىسى بويىنشا بىرلەسكەن جۇمىستىڭ ءتۇرلى باعىتى بويىنشا ءبىرقاتار كەلىسىمگە قول قويىلدى، دەپ حابارلايدى قازاقپارات مەنشىكتى ءتىلشىسى.

مەملەكەت باسشىلارى ج ە ە ك وتىرىسى بارىسىندا ەۋرازيالىق ينتەگراتسيانى دامىتۋ، جالپى ەڭبەك نارىعى، قىزمەتتەردىڭ ءبىرىڭعاي نارىعى، ە ا ە و ىشكى نارىعىنىڭ جۇمىس ىستەۋى، باسەكەلەستىك، ەنەرگەتيكا جانە باسقا دا ماسەلەلەردى تالقىلاپ، ءبىرقاتار ماڭىزدى شەشىم قابىلدادى.

اتاپ ايتقاندا، ە ا ە و ۇيىمىنا مۇشە مەملەكەتتەردە جۇمىس ىستەيتىندەردى زەينەتاقىمەن قامتاماسىز ەتۋ تۋرالى كەلىسىمگە قول قويىلدى. وعان سايكەس، ەاەو اۋماعىندا ەڭبەك ەتۋشىلەر تەك ءوز وتانىندا جۇمىس ىستەگەن كەزەڭدەرى ءۇشىن عانا ەمەس، وداقتىڭ باسقا مەملەكەتتەرىندە جۇمىس ىستەگەن ۋاقىتتارى ءۇشىن زەينەتاقى الاتىن بولادى. زەينەتاقىنى ءوزى تۇراتىن مەملەكەتكە ەكسپورتتاۋ ءۇشىن جۇمىسشى باسقا مەملەكەتتە كەمىندە ءبىر جىل جۇمىس ىستەۋى كەرەك.

نارىمبەك ىسماعۇلوۆ