باقىتجان ساعىنتايەۆ الماتىلىق قالامگەرلەرگە گرانت تابىستادى
گرانتقا ۇمىتكەرلەردى قازاقستان جازۋشىلار وداعىنىڭ كوميسسياسى انىقتادى. گرانت سوماسى - 500 مىڭ تەڭگە.
اكىم گرانتىن العانداردىڭ ىشىندە دراماتۋرگ دۋلات يسابەكوۆ، جازۋشى زەينەپ احمەتوۆا، سۆەتلانا انانينا، قاناعات ءابىلقايىر، باقىت بەدەلحان ۇلى، اقپەرەن ەلگەزەك، جۇسىپبەك قورعاسبەك جانە باسقالارى بار.
زيالى قاۋىم وكىلدەرى قارجىلاي سىيلىق كوڭىلدەرىن ءبىر مارقايتىپ تاستاعانىن ايتادى. «بۇل ەندى ارقانى كەڭگە سالماي، قايتا ەلىمىزدىڭ مادەنيەتى مەن ادەبيەتىن دامىتۋعا بەلسەنە اتسالىسۋعا شاقىرادى»، - دەيدى ولار.
«اقىن- جازۋشىلارعا كوپ نارسەنىڭ كەرەگى جوق. بىزگە وسىلاي كوڭىل ءبولىپ، ارقامىزدان ءبىر قاعىپ قويسا بولدى. سونىڭ ءوزى ۇلكەن شابىت بەرەدى. جاستار جازۋعا ۇمتىلادى، قوعامعا كەرەك ەكەندەرىن سەزىنەدى»، - دەيدى دۋلات يسابەكوۆ.
جالپى جازۋشىلار وداعىنىڭ 820 مۇشەسى بار، ونىڭ 360-سى الماتىدا تۇرادى. قالا اكىمى باقىتجان ساعىنتايەۆ ۇلتىمىزدىڭ دامۋىنا ايتۋلى ۇلەس قوسقان ازاماتتاردىڭ ەڭبەگى ەلەۋسىز قالمايتىنىن اتاپ ءوتتى.
اۆتور: الما مۇقانوۆا
