17:04, 20 - جەلتوقسان 2019 | GMT +5
قۇجاتىن ۇيدە قالدىرىپ كەتكەنى ءۇشىن ادامداردى جازالاۋدى تىيۋ كەرەك - پرەزيدەنت
نۇر- سۇلتان. قازاقپارات - قۇجاتىن ۇيدە قالدىرىپ كەتكەنى ءۇشىن ادامداردى جازالاۋدى تىيۋ كەرەك. بۇل تۋرالى بۇگىن ۇلتتىق قوعامدىق سەنىم كەڭەسىنىڭ ەكىنشى وتىرىسىندا ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«بارلىق جۇرگىزۋشىلەر وزىمەن بىرگە جەكە كۋالىگى مەن جۇرگىزۋشى كۋالىگىن، تەحنيكالىق پاسپورتىن، جول ءجۇرۋ پاراعىن جانە باسقا دا ءتۇرلى قۇجاتتارىن الىپ جۇرەدى. ادامدار قۇجاتتارىن ءتىپتى ۇيىنە قالدىرىپ كەتسە دە جازالايدى»، - دەدى مەملەكەت باسشىسى.
ق ر پرەزيدەنتى ۇسىنعان دەرەكتەرگە سايكەس، وسى جىلدىڭ 11 ايىنىڭ وزىندە عانا قۇجاتتارىن ۇمىتىپ كەتكەن 80 مىڭعا جۋىق ازامات جازاعا تارتىلعان.
«ۇكىمەت تاياۋ ۋاقىتتىڭ ىشىندە بۇل پروبلەماعا قاتىستى ءمان- جايدى انىقتاۋعا جانە قاجەت بولعان جاعدايدا زاڭنامالىق اكتىلەرگە وزگەرتۋلەر ەنگىزۋگە مىندەتتى»، - دەدى قاسىم- جومارت توقايەۆ.
اۆتور مارلان جيەمباي