حالىقتان جوعارى جانە حالىقتان بيىك تۇرعان ەشكىم جوق - توقايەۆ

بۇل تۋرالى بۇگىن ۇلتتىق قوعامدىق سەنىم كەڭەسىنىڭ ەكىنشى وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«حالىق ۇنىنە قۇلاق اساتىن مەملەكەت» تۇجىرىمداماسىن جاريا ەتتىم. مۇنى جاقسى بىلەسىزدەر. ءبىز ءوز قىزمەتىمىزدە ەڭ الدىمەن قاراپايىم ازاماتتاردىڭ سۇرانىسى مەن مۇڭ-مۇقتاجىن باسشىلىققا الۋىمىز كەرەك. حالىقتان جوعارى جانە حالىقتان بيىك تۇرعان ەشكىم دە، ەشتەڭە دە جوق»، - دەدى مەملەكەت باسشىسى.
ق ر پرەزيدەنتى ۇلتتىق كەڭەس ءبىرىنشى كەزەكتە قوعامدىق ديالوگ پەن سەنىم الاڭى رەتىندە قۇرىلعانىن اتاپ ءوتتى.
«ءبىز وسى سەنىمدى اقتاۋعا ءتيىسپىز. ارينە، ازاماتتاردى الاڭداتقان تۇيتكىلدى ماسەلەنىڭ ءبارىن بىرەشە ايدىڭ ىشىندە شەشىپ تاستاۋ مۇمكىن ەمەس. دەگەنمەن ءبىرقاتار ماسەلە بويىنشا العا ىلگەرىلىپ، شۇعىل شەشىمدەر قولداندىق. جۇمىس جۇيەلى تۇردە جۇرگىزىلىپ كەلەدى. ونىڭ قارقىنىن باسەڭدەتپەيمىز»، - دەدى
مەملەكەت باسشىسى كوكتەيتەستى ماسەلەنىڭ ءبىرى جەر جانە ونىڭ ءتيىمدى پايدالانۋعا قاتىستى بولىپ وتىرعاندىعىن دا باسا ايتتى.
«جاقىندا اقمولا وبلىسىنا جاساعان ساپارىمدا اۋىل شارۋاشىلىعى ماقساتىنداعى جەردى ءتيىمسىز پايدالانۋ جايىنا نازار اۋداردىم. بۇل باعىتتا مەنىڭ ۇستانىمىم بەكەم: جەردى يگەرە الاتىن ادام عانا ونىڭ يەسى بولۋعا لايىق»، - دەدى قاسىم-جومارت توقايەۆ.
اۆتور: مارلان جيەمباي