ەلوردادا پرەزيدەنتتىڭ قاتىسۋىمەن ۇلتتىق كەڭەس وتىرىسى باستالدى

نۇر-سۇلتان. قازاقپارات - بۇگىن ەلورداداعى تاۋەلسىزدىك سارايىندا ق ر پرەزيدەنتى قاسىم-جومارت توقايەۆتىڭ قاتىسۋىمەن ۇلتتىق قوعامدىق سەنىم كەڭەسىنىڭ ەكىنشى وتىرىسى باستالدى، دەپ حابارلايدى قازاقپارات ءتىلشىسى.

جيىنعا ق ر پرەزيدەنتى اكىمشىلىگىنىڭ باسشىسى ەرلان قوشانوۆ، پرەزيدەنت كەڭەسشىسى ەرلان قارين، ۇكىمەت باسشىسىنىڭ ورىنباسارى بەردىبەك ساپاربايەۆ، اقپارات جانە قوعامدىق دامۋ ءمينيسترى داۋرەن ابايەۆ، دەنساۋلىق ساقتاۋ ءمينيسترى ەلجان ءبىرتانوۆ، ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ، سونداي-اق كەڭەس مۇشەلەرى قاتىسۋدا.

ەستەرىڭىزگە سالا كەتسەك، 2019 -جىلدىڭ 12-ماۋسىمىندا مەملەكەت باسشىسى ق ر پرەزيدەنتى جانىنان ۇلتتىق قوعامدىق سەنىم كەڭەسىن قۇرۋ تۋرالى جارلىققا قول قويدى.

ال 6-قىركۇيەكتە ەلورداداعى تاۋەلسىزدىك سارايىندا قازاقستان پرەزيدەنتى قاسىم-جومارت توقايەۆتىڭ توراعالىعىمەن ۇلتتىق قوعامدىق سەنىم كەڭەسىنىڭ العاشقى وتىرىسى وتكەن ەدى.

اۆتور: مارلان جيەمباي