جابىرلەنۋشىلەرگە وتەماقى تولەنەدى - باس پروكۋراتۋرا
مەملەكەتتىك وتەماقىلار - قىلمىستىق قۇقىق بۇزۋشىلىقتاردان زارداپ شەككەن ادامداردىڭ قۇقىقتارى مەن زاڭدى مۇددەلەرىن قورعاۋدىڭ قولدانىستاعى ءتيىمدى تەتىگى بولىپ تابىلادى.
2018-جىلى «جابىرلەنۋشىلەرگە وتەماقى قورى تۋرالى» زاڭنىڭ قابىلدانۋىمەن ەلىمىزدە قىلمىستاردان ماتەريالدىق زارداپ شەككەن، الايدا قىلمىستىڭ اشىلماۋى نەمەسە قىلمىسكەردىڭ سوتتان جاسىرىنۋى سەبەپتى وتەماقىنى ءوندىرىپ الۋعا مۇمكىندىگى جوق ادامدارعا شۇعىل قاجەتتى كومەك كورسەتۋگە ارنالعان ينستيتۋت قۇرىلدى.
جابىرلەنۋشىلەرگە قوردان وتەماقى تولەۋ ءوندىرىپ الۋشىعا قاتىستى جاسالعان قۇقىق بۇزۋشىلىقتىڭ ساناتىنا قاراي 30 دان 50 ايلىق ەسەپتىك كورسەتكىشكە دەيىن ءبىر رەتتىك تولەم تۇرىندە 2020-جىلدىڭ 1- شىلدەسىنەن باستاپ ىسكە اسىرىلادى.
ادام جابىرلەنۋشى دەپ تانىلعان كۇننەن باستاپ 3 جىلدىڭ ىشىندە قىلمىستىق قۋدالاۋدى جۇزەگە اسىراتىن، وزىنە قاتىستى وتەماقى تاعايىنداۋعا قۇزىرەتتى مەملەكەتتىك ورگانعا وتىنىشپەن جۇگىنۋگە قۇقىلى.
وتەماقى سەكسۋالدىق زورلىق-زومبىلىقپەن بايلانىستى قىلمىستار بويىنشا جابىرلەنۋشىلەر بولىپ تابىلاتىن كامەلەتكە تولماعاندارعا، ادام ساۋداسىمەن جانە ازاپتاۋلارمەن بايلانىستى قىلمىستار بويىنشا جابىرلەنۋشىلەر دەپ تانىلعان ادامدارعا، قىلمىستاردىڭ ناتيجەسىندە دەنساۋلىعىنا اۋىر زيان كەلتىرىلگەن نە ادامنىڭ يممۋن تاپشىلىعى ۆيرۋسىن ايتۆ/جيتس جۇقتىرعان ادامدارعا، «جابىرلەنۋشىلەرگە وتەماقى قورى تۋرالى» زاڭنىڭ 6-بابىندا كوزدەلگەن قىلمىستىق كودەكستىڭ باپتارى بويىنشا جابىرلەنۋشى قايتىس بولعان جاعدايدا جابىرلەنۋشى قۇقىقتارى بەرىلگەن ادامدارعا تاعايىندالادى.
