داريعا نازاربايەۆا: وتاندىق بانكتەرگە باسەكەدەن قورقۋدىڭ قاجەتى جوق

نۇر-سۇلتان. قازاقپارات - پارلامەنت سەناتىندا «ە ا ە و- عا مۇشە مەملەكەتتەردىڭ قارجى نارىعى سالاسىنداعى زاڭناماسىن ۇيلەستىرۋ تۋرالى كەلىسىمدى راتيفيكاتسيالاۋ تۋرالى» زاڭ جوباسىن قابىلدادى، دەپ حابارلايدى قازاقپارات ءتىلشىسى.
None
None

ءماجىلىس ماقۇلداعان زاڭ جوباسىن سەناتتا ۇلتتىق بانك ءتوراعاسىنىڭ ورىنباسارى ەسجان ءبىرتانوۆ قورعادى. ونىڭ ايتۋىنشا، كەلىسىم 2014-جىلعى 29- مامىرداعى ە ا ە و تۋرالى كەلىسىمشارتتىڭ 70-بابىنا سايكەس ازىرلەنىپ، وسى كەلىسىمشارتتا ورتاق قارجى نارىعىن قۇرۋ ماقساتىندا حالىقارالىق كەلىسىمدى ازىرلەۋ جانە قارجى نارىعى سالاسىنداعى زاڭنامانى ۇيلەستىرۋدى كوزدەيدى.

«ورتاق قارجى نارىعىن قۇرۋ، بانكتىك ساقتاندىرۋ جانە باعالى قاعازدار نارىعىنداعى قىزمەت كورسەتۋ سەكتورىندا ليتسەنزيالاردى ءوزارا تانۋ، قارجى نارىقتارىنا شەكتەۋسىز كىرۋدى قامتاماسىز ەتۋ، مەملەكەتتىك رەتتەۋدى جەتىلدىرۋ جانە قارجى نارىقتارىندا باقىلاۋ مەن قاداعالاۋدى جۇزەگە اسىرۋدى كوزدەيدى. كەلىسىم 7 باعىتتى ايقىنداپ وتىر. ولار: قارجى نارىقتارىنا قاتىسۋشىلارعا مەكەمە مەن قىزمەتىن قۇرۋىنا قاتىستى تالاپتار، حالىقارالىق ستاندارتتارعا سايكەس قارجى نارىعى سالاسىنداعى تاۋەكەلدەردى رەتتەۋ، قاداعالاۋ تالاپتارى جانە قارجى نارىعىنىڭ قاتىسۋشىلارىنا قاداعالاۋدى جۇزەگە اسىرۋ ءتارتىبى، ليتسەنزيالاردى ءوزارا تانۋ تالاپتارى، قارجى نارىعى سالاسىندا اقپاراتتى جاريا ەتۋدەگى تالاپتار، مەملەكەتتىك-مۇشە ينۆەستورلارىنىڭ قارجى نارىعىنا قاتىسۋشىلاردىڭ جارعىلىق كاپيتالىنداعى اكسيالاردى ساتىپ الۋى، قارجىلىق قىزمەتتەردى تۇتىنۋشىلاردىڭ قۇقىقتارىن جانە مۇددەلەرىن قورعاۋ جونىندەگى تالاپتار»، - دەدى ەسجان ءبىرتانوۆ.

كەلىسىمدە ۇيلەستىرۋدى جۇرگىزۋ ءتارتىبى ايقىندالعان. كەلىسىم كۇشىنە ەنگەننەن كەيىن 9 ايدىڭ ىشىندە ۇيلەستىرۋ جوسپارى ازىرلەنەدى.

زاڭ جوباسىن سەناتورلار ءبىرشاما تالقىلاپ، ماقۇلدادى.

«جالپى، باسەكەدەن قورقۋدىڭ قاجەتى جوق. شەتەلدەن بانكتەر كىرىپ، وتاندىق بانكتەردىڭ تىنىسىن تارىلتۋى مۇمكىن دەگەن سىڭايداعى ۇرەي بار. بۇل ۇرەي - اينالىپ كەلگەندە ءوز بانكتەرىمىزدىڭ قورقىنىشى. سەبەبى، ولار ءوز پوزيتسيالارى ءۇشىن قاۋىپتەنەدى. الايدا قازىرگى تاڭدا قارجىلىق سەكتوردا پروبلەما بارشىلىق. ۇزاق مەرزىممەن، ارزان بەرىلەتىن سوما جوقتىڭ قاسى. وسىدان بارىپ، شاعىن جانە ورتا، ءىرى بيزنەستىڭ ءبارىنىڭ تىنىسى تارىلىپ تۇر. ءبىزدىڭ بانكتەردىڭ بۇل ماسەلەنى رەتتەرلىك قابىلەت-قاۋقارى جوق. سول سەبەپتى، باسەكەگە كەرىسىنشە قۋانۋىمىز كەرەك. نارىقتىق ەكونوميكاعا بەت العانىمىزدى بىلەسىزدەر. باسەكەنىڭ كۇشتى ورتاسى ءبىزدىڭ بانكتەردىڭ دە جۇمىسىن كۇشەيتۋگە، وزىندىك اكىمشىلىك ءىسىن رەتتەۋگە مۇرىندىق بولادى»، - دەدى سەنات ءتوراعاسى داريعا نازاربايەۆا.

سوڭعى جاڭالىقتار