پحەنيان وڭتۇستىك كورەيامەن كەلىسسوزدەن باس تارتتى
الايدا، كورشىلەس ەلدەگى ارىپتەسىمەن كەزدەسە المايدى. بۇل تۋرالى مينيسترلىكتىڭ رەسمي وكىلى لي سان مين حابارلادى.
ونىڭ ايتۋىنشا، سو حو وسى جىلداعى جۇمىس ناتيجەلەرىن قورىتىندالاپ، كەلەسى جىلعا جوسپاردى تالقىلايدى. ەكى كورەيا اراسىنداعى بايلانىس ءبولىمى 2018-جىلدىڭ قىركۇيەك ايىندا اشىلعان بولاتىن.
الايدا، وسىدان 9 اي بۇرىن سولتۇستىك كورەيا وكىلدەرى بۇل كەڭسەدەن ءبىرجولا كەتكەن ەدى. سونداي-اق لي سان مين رەسەي مەن قىتاي وكىلدەرىنىڭ ب ۇ ۇ قاۋىپسىزدىك كەڭەسىنە ۇسىنعان قارار جوباسى جونىندە ءوز پىكىرىن ءبىلدىردى.
بۇل قۇجات پحەنيانعا قارسى سانكتسيالاردى جۇمسارتۋدى قاراستىرىپ وتىر. اقپارات قۇرالدارىنىڭ حابارلاۋىنشا، قۋاڭشىلىقتىڭ سالدارىنان بيىل سولتۇستىك كورەيادا ەگىس شىقپاي، ەلگە اشتىق قاۋپى ءتونىپ تۇر.
لي سان مين، كورەيا رەسپۋبليكاسىنىڭ ەلدى بىرىكتىرۋ ىستەرى جونىندەگى مينيسترلىگىنىڭ رەسمي وكىلى:
- سولتۇستىك پەن وڭتۇستىك كورەيانىڭ اۆتو جانە تەمىرجولدارىن بايلانىستىرۋ جوسپارى - بەيكوممەرتسيالىق ينفراقۇرىلىمدىق جوبا. سول سەبەپتەن، ول سانكسيالاردان بوساتۋ راسىمىنەن وتپەۋى كەرەك. ب ۇ ۇ قاۋىپسىزدىك كەڭەسىنىڭ قولداۋىمەن بۇل قۇرىلىستى جالعاستىرا بەرۋگە بولادى. الايدا، قازىرگى تۇستا، ا ق ش پەن سولتۇستىك كورەيا اراسىنداعى ديالوگ تەزىرەك باستالىپ، يادرولىق قارۋدان باس تارتۋ ىسىندە ەلەۋلى جەتىستىككە جەتۋ ماڭىزدى بولىپ وتىر.
