ەلوردادا تەرروريزمگە قارسى ورتالىقتىڭ وتىرىسى وتكىزىلدى
وتىرىستا بيىلعى جىلدىڭ جۇمىسى قورىتىندىلاندى.
تەرروريستىك اكسيالارعا جول بەرمەۋ بويىنشا جانە جالپى العاندا ەلىمىزدەگى جاعدايدىڭ تۇراقتىلىعىن ساقتاۋعا كۇش سالىنعانى اتالدى.
قابىلدانعان شارالار ناتيجەسىندە باستاپقى كەزەڭىندە تەرروريستىك اكتىنى جاساۋعا باعىتتالعان 3 ۇمتىلىستىڭ جولى كەسىلدى. 7 راديكالدىق توپتىڭ جانە 34 جەكەلەگەن ەكسترەميستىڭ قىلمىستىق ارەكەتتەرى بەيتاراپتاندىرىلدى.
قازاقستان رەسپۋبليكاسىندا ءدىني ەكسترەميزم مەن تەرروريزمگە قارسى ءىس-قيمىل جونىندەگى 2018 - 2022-جىلدارعا ارنالعان مەملەكەتتىك باعدارلاماسىن تابىستى جۇزەگە اسىرۋ قامتاماسىز ەتىلدى. 2019-جىلعا بەلگىلەنگەن بارلىق ماقساتتى ينديكاتورلار مانىنە قول جەتكىزىلدى.
بىرىككەن ۇلتتار ۇيىمىنىڭ قاۋىپسىزدىك كەڭەسىنىڭ 2396№ قارارى شەڭبەرىندە اۆياتسيالىق كولىكتەگى جولاۋشىلار لەگىنە پروفايلەر-ماماندارىنىڭ قىزمەتى ۇيىمداستىرىلدى.
وڭىرلىك تەرروريزمگە قارسى كوميسسيالار تۇرعىسىنان تەرروريزمنىڭ الدىن الۋدىڭ، ونىڭ ىشىندە جاستار ورتاسىندا ۇيىمداستىرۋشىلىق تەتىكتەرى جەتىلدىرىلدى.
اۋقىمدى جانە ادرەستىك اقپاراتتىق-ۇيىمداستىرۋشىلىق ءىس-شارالارمەن 2,5 ميلليوننان استام ادام قامتىلدى.
راديكالدىق كوزقاراستان 907 ادام قايتارىلدى. باس بوستاندىقتارىنان ايىرۋ ورىندارىندا تەرروريستىك جانە ەكسترەميستىك قىلمىس جاساعاندارى ءۇشىن جازاعا تارتىلعان 162 سوتتالۋشى راديكالسىزداندىرىلدى.
جەرگىلىكتى جەرلەردە «جۋسان» گۋمانيتارلىق وپەراتسياسى شەڭبەرىندە تەرروريستىك قارقىندى ايماقتاردان قايتارىلعان ايەلدەر مەن بالالاردى وڭالتۋ بويىنشا جۇمىس جولعا قويىلدى. بۇرىنعى سەنىمدەرىنەن وسى ايەلدەردىڭ ۇشتەن ءبىر بولىگى باس تارتتى، قالعاندارى بويىنشا جۇمىستار تابىستى جالعاسۋدا.
قازاقستاندىق قوعامدى تەرروريزم جانە ەكسترەميزمدى ناسيحاتتاۋدان قورعاۋ ماقساتىندا ينتەرنەت كەڭىستىگىن مونيتورينگتەۋدىڭ اۆتوماتتاندىرىلعان جۇيەسى ىسكە قوسىلدى. جۇيە الەۋمەتتىك جەلىلەردەگى قۇقىققا قايشى كونتەنتتى ايقىنداۋعا جانە ارتىنشا بۇعاتتاۋعا مۇمكىندىك بەرەدى.
راديكالدىق ورتاعا قارۋدىڭ، وق-دارىلەردىڭ جانە جارىلعىش زاتتاردىڭ تۇسۋىنە جول بەرمەۋدىڭ قوسىمشا الدىن الۋ تەتىكتەرى ەنگىزىلدى. ناتيجەسىندە وسىنداي 17 جاعدايعا جول بەرىلمەدى.
قارۋدىڭ ەلەستەتكىش تۇرلەرىنىڭ اينالىمىنا باقىلاۋ ورناتىلدى. وندىرىستىك جارىلعىش زاتتار مەن ماتەريالداردى، قويمالاردى جانە اسكەري بولىمدەردىڭ زىمىران-ارتيللەريالىق قارۋ-جاراعىن ساقتاۋ ورىندارىن كۇزەتۋ رەجيمى كۇشەيتىلدى.
مەملەكەتتىك ورگانداردىڭ باسشىلارىمەن اسا ماڭىزدى وبەكتىلەردىڭ تەرروريزمگە قارسى قورعالۋ جۇيەسىن جەتىلدىرۋ شارالارى قارالدى.
ت ق و وتىرىسىنىڭ قورىتىندىلارى بويىنشا ءبىرقاتار حاتتامالىق شەشىمدەر قابىلداندى. 2020-جىلعا ارنالعان ت ق و جۇمىس جوسپارى ماقۇلداندى.
