10:02, 20 - جەلتوقسان 2019 | GMT +5
الجيردە جاڭا پرەزيدەنت سايلاندى
نۇر-سۇلتان. قازاقپارات - الجيردە مەملەكەت باسشىلىعىنا كەلگەن جاڭا پرەزيدەنت ابدەل مادجيد تابۋن انت قابىلدادى، دەپ حابارلايدى قازاقپارات Еuronews--قا سىلتەمە جاساپ.
بۇعان دەيىن سەگىز اي بويى الجير پرەزيدەنتسىز ءومىر ءسۇردى. كوكتەمدەگى شەرۋلەر كەزىندە بۇرىنعى مەملەكەت باسشىسى ابدەلازيز بۋتەفليكي قىزمەتىنەن كەتكەن.
ابدەل مادجيد تابۋن ۇكىمەتتە ءبىرشاما ۋاقىت جۇمىس ىستەگەن تاجىريبەلى مامان. 2017-جىلى ول پرەمەر-مينيستر بولىپ تاعايىندالعان، ءبىراق قىزمەتىندە ءۇش اي عانا تۇراقتادى.
تابۋن جاقىندا وتكەن پرەزيدەنت سايلاۋىندا %58,13 داۋىس جيناپ، جەڭىسكە جەتكەن ەدى.
