ماسكەۋدىڭ ورتاسىندا اتىس بولدى
ماسكەۋ. ت ا س س- قازاقپارات - ماسكەۋدىڭ لۋبيانكا اۋدانىندا بەلگىسىز بىرەۋ ادامدارعا وق جاۋدىردى.
كۇدىكتىنىڭ كوزى جويىلدى، ونىڭ كىم ەكەنى انىقتالىپ جاتىر. بۇل جونىندە رەسەي فەدەرالدى قاۋىپسىزدىك قىزمەتىنىڭ قوعامدىق بايلانىس ورتالىعىنا سىلتەمە جاساپ ت ا س س حابارلادى.
«ۇلكەن لۋبيانكاداعى 12№ ءۇيدىڭ جانىندا بەلگىسىز بىرەۋ ادامداردى اتا باستادى. جاراقات العاندار بار. كۇدىكتىنىڭ جەكە تۇلعاسى انىقتالىپ جاتىر. قىلمىسكەردىڭ كوزى جويىلدى»، - دەپ ءمالىم ەتتى ف ق ق قوعامدىق بايلانىس ورتالىعى.
مۇنىڭ الدىندا اگەنتتىك ۇلكەن لۋبيانكا كوشەسىندە كولىك قوزعالىسىنا شەكتەۋ قويىلىپ، جول جابىلعانىن حابارلاعان بولاتىن.
