قازاقستاندىق اۋىر اتلەتتەر حالىقارالىق جارىستان ەكىنشى ورىن الدى

نۇر-سۇلتان. قازاقپارات - رەسەيدىڭ ورىنبور وبلىسىندا اۋىر اتلەتيكادان وتكەن حالىقارالىق اشىق كۋبوكتا قازاقستان قۇراماسى ەكىنشى ورىندى جەڭىپ الدى، دەپ حابارلايدى قازاقپارات ءتىلشىسى.

ق ر اۋىر اتلەتيكا فەدەراتسياسى حابارلاعانداي، اتالعان حالىقارالىق جارىسقا قازاقستاننان اقتوبە، باتىس قازاقستان مەن قوستاناي وبلىسىنان 3 كوماندا قاتىستى.

ناتيجەسىندە، بىرىككەن قازاقستان قۇراماسى جارىس يەلەرىنە ءبىر ۇپاي ەسە جىبەرىپ، ەكىنشى ورىندى جەڭىپ الدى.

جارىستا 89 كەلىگە دەيىنگى سالماقتا سىنعا تۇسكەن قوستانايلىق رەنات باۋداربەكوۆ 402 ۇپايدى باعىندىرىپ، ابۋسوليۋتتى چەمپيون اتاندى. ال ايەلدەر اراسىندا «جاس قۋات» باعدارلاماسىنىڭ ستيپەندياتى ارايلىم جانەت 64 كەلى سالماقتا ابسوليۋتتى چەمپيون اتاندى.

قازاقستاننىڭ بىرىككەن قۇراما كومانداسىنىڭ جارىس ناتيجەلەرى تومەندەگىدەي:

ايان بايزاقوۆ (قوستاناي) – 1- ورىن (73 كەلى)

ەرجان جۇماعۇلوۆ (ب ق و) – 1- ورىن (81 كەلى)

گلەب گاۆريلوۆ (اقتوبە) – 1- ورىن (109 كەلى) - «جاس قۋات» باعدارلاماسىنىڭ ستيپەندياتى.

سەرجان حاميدوللا (ب ق و) – 3- ورىن (55 كەلى)

داناگۇل ۋراشيەۆا (ب ق و) – 3- ورىن (59 كەلى)

نۇرجان قوجين (اقتوبە) – 3- ورىن (67 كەلى) - «جاس قۋات» باعدارلاماسىنىڭ ستيپەندياتى.

اۆتور: كۇنسۇلتان وتارباي