ءبىز، وكىنىشكە قاراي، قازاقستاندىق دوستارىمىزدان ازداپ قالىپ قويدىق - ۆلاديمير پۋتين

ماسكەۋ. قازاقپارات - رەسەي پرەزيدەنتى ۆلاديمير پۋتين رەسەيدىڭ قىتايمەن، پوستكەڭەستىك مەملەكەتتەرمەن ەكونوميكالىق بايلانىسىن كەڭەيتۋگە مۇمكىندىك بەرەتىن ينفراقۇرىلىم جەتكىلىكسىز ەكەنىن مويىندادى.

مەملەكەت باسشىسى وسى ماسەلەنى شەشۋ قاجەت ەكەنىن اتاپ ءوتتى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

جىل سايىنعى ۇلكەن باسپا ءسوز كونفەرەنتسياسىندا پۋتينگە سامارا وبلىسىنداعى ەدىل وزەنىنە سالىنىپ جاتقان كوپىر تۋرالى سۇراق قويىلدى.

«بۇل جوبا مەملەكەتارالىق ىنتىماقتاستىقتى نىعايتۋدا ماڭىزدى ءرول اتقارادى، ويتكەنى قىتايمەن اراداعى تاۋار اينالىمى ءوسىپ جاتقانىنا قاراماستان، ءبىزدىڭ كەڭەس وداعىنداعى بۇرىنعى تۋىسقان مەملەكەتتەرمەن، قازىرگى تاۋەلسىز ەلدەرمەن اراداعى تاۋار اينالىمى وتە ۇلكەن ەكەنىنە قاراماستان، ينفراقۇرىلىم جەتكىلىكتى دامىماي وتىرعانى انىق»، - دەدى ر ف پرەزيدەنتى.

«ءبىز وكىنىشكە قاراي، بۇل جاعىنان قازاقستاندىق دوستارىمىزدان كىشكەنە قالىپ قويدىق. ولار قىتايعا اپاراتىن جولدىڭ وزدەرىنە تيەسىلى بولىگىن سالىپ ءبىتىردى، ءبىز جول سالۋ جۇمىسىن قولعا الۋعا ءتيىسپىز»، - دەپ اتاپ ءوتتى مەملەكەت باسشىسى.

ول بۇل جۇمىستىڭ مىندەتتى تۇردە ىسكە اساتىنىنا سەندىردى.