نۇرسۇلتان نازاربايەۆ ەۋرازيا ەكونوميكالىق وداعىنىڭ بەيرەسمي سامميتىنە قاتىسادى
بۇل جونىندە پرەزيدەنتتىڭ باسپا ءسوز حاتشىسى بەرىك ۋاليگە سىلتەمە جاساپ قازاقپارات حابارلايدى.
«ماعان مەملەكەت باسشىسى قاسىم-جومارت توقايەۆتىڭ سانكت-پەتەربۋرگ قالاسىندا وتەتىن ەۋرازيالىق ەكونوميكالىق وداقتىڭ بەيرەسمي سامميتىنە قاتىسۋ-قاتىسپاۋىنا بايلانىستى سۇراقتار كەلىپ تۇسۋدە. وسىعان وراي اتالعان سامميتكە ەلىمىزدىڭ اتىنان جوعارى ەۋرازيالىق ەكونوميكالىق كەڭەستىڭ قۇرمەتتى ءتوراعاسى رەتىندە تۇڭعىش پرەزيدەنت - ەلباسى نۇرسۇلتان نازاربايەۆ قاتىساتىنىن حابارلايمىن. قالىپتاسقان تاجىريبەگە سايكەس، مەملەكەت باسشىسى مەن ەلباسى شەت ەلگە بىرگە ساپارعا شىقپايدى. ەلباسى ءتيىستى قۇجاتتاردى تالقىلاۋ بارىسىندا ءوز پىكىرىن ايتۋعا قۇقىلى. قۇجاتتارعا قول قويۋ قۇزىرەتى پرەزيدەنتكە تيەسىلى»، - دەپ جازدى بەرىك ءۋالي Facebook پاراقشاسىندا.
قاسىم-جومارت كەمەل ۇلى 20- جەلتوقساندا ۇلتتىق قوعامدىق سەنىم كەڭەسىنىڭ كەزەكتى وتىرىسىنا قاتىسىپ، ءسوز سويلەۋدى جوسپارلاپ وتىر.
