بەنزين قاشان جانە قانشالىقتى قىمباتتايدى - مينيسترلىكتىڭ جاۋابى

نۇر-سۇلتان. قازاقپارات - ەنەرگەتيكا ۆيتسە-ءمينيسترى اسەت ماعاۋوۆ بەنزين باعاسىنا قاتىستى بولجامىمەن ءبولىستى، دەپ حابارلايدى قازاقپارات ءتىلشىسى.

«وزدەرىڭىز بىلەتىندەي، اكسيزدىڭ باعاسى جاڭا جىلدان باستاپ 10 تەڭگەگە وسەدى. دەسە دە، بۇل وزگەرىس بەنزين باعاسىنا بىردەن اسەر ەتەدى دەپ كۇتىپ وتىرعان جوقپىز. ويتكەنى، مۇناي وڭدەۋ زاۋىتتارىندا وندىرىلگەن بەنزين ءالى دە كوپ. ءبىراق، بارا-بارا باعاعا 10 تەڭگە قوسىلاتىن شىعار دەپ بولجاپ وتىرمىز. ايتسە دە 1- قاڭتاردان باستاپ ەمەس. جارتى اي، ءبىر اي ىشىندە جاڭادان شىعارىلعان كولەم مء و ز-دەر ارقىلى جانار-جاعارماي بەكەتتەرىنە جەتكەننەن كەيىن باعا ءوسۋى مۇمكىن»، - دەدى اسەت ماعاۋوۆ و ك ق- دا وتكەن باسپا ءسوز ءماسليحاتىندا تىلشىلەردىڭ سۇراعىنا بەرگەن جاۋابىندا.

ەسكە سالا كەتسەك، بۇعان دەيىن ۇلتتىق ەكونوميكا مينيسترلىگىنىڭ سالىق جانە كەدەن ساياساتى دەپارتامەنتىنىڭ ديرەكتورى ازامات ءامرين اكسيزدىڭ كوتەرىلۋىنە بايلانىستى قازاقستاندا بەنزين قانشالىقتى قىمباتتايتىنىن ايتىپ بەرگەن بولاتىن.

«قازىرگى تاڭدا بەنزين باعاسىنىڭ اكتسيزى - 8 تەڭگە، بەنزينىڭ ليترى - 150 تەڭگە بولىپ تۇر. ءبىز اكتسيز ستاۆكاسىن 10500 تەڭگەدەن 24435 تەڭگەگە ارتتىردىق. وسىدان بارىپ، بەنزين ليترى 10 تەڭگەگە كوتەرىلەدى. ياعني، اكتسيز 8 دەن 18 تەڭگەگە كوتەرىلدى. وسىلايشا، باعا شامامەن 8 پايىزعا - 150 تەڭگەدەن 160 تەڭگەگە كوتەرىلەدى. ءبىراق، بۇل رەتتە اكتسيزدىڭ باعانى رەتتەۋشى جالعىز فاكتور ەمەس ەكەنىن ەسكەرۋ كەرەك»، - دەدى ازامات ءامرين ۇكىمەت وتىرىسىندا.