قاسىم- جومارت توقايەۆ جاڭا تاعايىندالعان ەنەرگەتيكا ءمينيسترىن قابىلدادى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ ەنەرگەتيكا ءمينيسترى نۇرلان نوعايەۆتى قابىلدادى، دەپ حابارلايدى اقوردانىڭ باسپا ءسوز قىزمەتى.

كەزدەسۋ بارىسىندا قاسىم- جومارت توقايەۆ ەنەرگەتيكا مينيسترلىگىنىڭ الدىندا تۇرعان ماقسات- مىندەتتەرىنىڭ ماڭىزدىلىعى تۋرالى ايتىپ، حالىقتى ەلەكتر قۋاتىمەن، گازبەن جانە جىلۋمەن قامتاماسىز ەتۋگە باسا كوڭىل ءبولۋدى تاپسىردى.

سونىمەن قاتار مۇناي- گاز جانە ەنەرگەتيكا سالالارىنداعى الەمدىك جانە وتاندىق ءىرى كومپانيالارمەن ءوزارا ىقپالداستىق ورناتۋ ماسەلەسى قاراستىرىلدى.

كەزدەسۋ قورىتىندىسى بويىنشا مەملەكەت باسشىسى ءبىرقاتار ناقتى تاپسىرما بەردى.