الماتىدا قاندالا دارىسىنەن ۋلانعان ايەل اۋرۋحانادا قايتىس بولدى
الماتى قالالىق قوعامدىق دەنساۋلىق ساقتاۋ باسقارماسىنىڭ حابارلاۋىنشا، قاندالا دارىسىنە ۋلانىپ قالعان ايەل ەس جيماستان كوز جۇمدى.
«كەشە 18 - جەلتوقسان كۇنى 1952 -جىلى تۋعان ناۋقاس ەس جيماستان قايتىس بولدى. ول الماتى قالالىق شۇعىل مەديتسينالىق كومەك كورسەتۋ اۋرۋحاناسىنا جاندىك دارىسىنەن ۋلانىپ تۇسكەن بولاتىن. وسى ۋاقىت ىشىندە ول ەس- ءتۇسسىز اۋىر حالدە بولدى. جۇرەگى توقتاپ قالدى. دارىگەرلەر بارلىق رەانيماتسيالىق شارالاردى وتكىزدى، ءبىراق اجالدان اراشالاپ قالا المادى »، - دەپ حابارلادى باسقارمادان.
ەسكە سالايىق، اناسى مەن ۇلى اۋرۋحانانىڭ جانساقتاۋ بولىمىنە 1 - جەلتوقسان كۇنى ءتۇستى. ولارعا جاندىكتەردى ولتىرەتىن قۇرالدان ۋلانۋ دياگنوزى قويىلعان بولاتىن.
12 - جەلتوقسان كۇنى 1987 -جىلعى ەر ادام ەس جيماستان كوز جۇمعان ەدى. دارىگەرلەردىڭ قاجەتتى مەديتسينالىق كومەگى تولىق كولەمدە كورسەتىلدى، ءبىراق ونىڭ ءومىرىن ساقتاپ قالۋ مۇمكىن بولمادى.
فوتو: heaclub.ru
اۆتور الما مۇقانوۆا
