قازاقستاندا بالا اسىرىپ الۋشىلارعا كومەك كورسەتەتىن اگەنتتىك قۇرىلادى
«زاڭ جوباسى اياسىندا «نەكە جانە وتباسى تۋرالى» كودەكسكە (بالا) اسىراپ الۋ جونىندەگى اگەنتتىكتى اككرەديتتەۋ ءتارتىبى ەنگىزىلەدى. ولار جەتىم بالالاردى اسىراپ الۋشىلارعا پسيحولوگيالىق، كونسۋلتاتيۆتىك كومەك كورسەتەتىن بولادى»، - دەدى م. احمەتجانوۆ. پارلامەنت سەناتىندا قىلمىستىق جانە قىلمىستىق-پروتسەستىك زاڭنامانى جەتىلدىرۋ ماسەلەلەرى بويىنشا زاڭ جوباسىن تالقىلاۋ كەزىندە.
كەيىننەن تىلشىلەر ساۋالىنا جاۋاپ بەرۋ كەزىندە م. احمەتجانوۆ ۇلتتىق اگەنتتىك قۇرىلاتىنىن جانە ول بالا اسىراپ الۋشىلارعا ءتيىستى قولداۋ شارالارىن (پسيحولوگيالىق جانە كوسۋلتاتيۆتىك كومەك) اتقاراتىنىن جەتكىزدى.
«قازىرگى تاڭدا شەتەلدىك اگەنتتىكتەر ەلىمىزدە بار. ولار جۇمىس ىستەپ جاتىر. ەندى سونداي وكىلەتتىكتى ءبىزدىڭ ۇلتتىق اگەنتتىككە بەرۋ كوزدەلىپ وتىر. بۇل تۇرعىدا ەشقانداي مەملەكەتتىك وكىلەتتىك ولارعا بەرىلمەيدى. بالانى اسىراپ الۋدى تەك قانا سوت شەشەدى. بۇل ماسەلە ءبىزدىڭ مەملەكەتتىك ورگانداردىڭ قۇزىرەتىندە. اتالعان اگەنتتىكتى مەملەكەت قارجىلاندىرمايدى. وكىنىشكە قاراي، ماماندار بۇگىندە ءبىراز اتا-انا بالانى اسىراپ الۋعا دايىن ەمەستىگىن ايتۋدا. وسىنىڭ سالدارىنان جەتكىنشەكتەر بالالار ۇيلەرىنە قايتىپ كەلىپ جاتىر. سوندىقتان وسى ماسەلەنى زەرتتەپ، اتا-انانى تولىق دايىنداپ، اككرەديتتەۋ كەرەك. اتاپ ايتقاندا، ەڭ سوڭعى تۇپكىلىكتى شەشىمدى سوت قابىلدايدى. سوت جان-جاقتى قاراپ، زاڭعا قايشى نەمەسە كۇدىكتى جاعدايلار بولسا، بالانى اسىراپ الۋعا بەرۋدەن باس تارتۋعا تولىق مىندەتتى»، - دەدى ق ر باس پروكۋرورىنىڭ ورىنباسارى.
