20:30, 19 - جەلتوقسان 2019 | GMT +5
ەلوردادا ۆوكزال ماڭىندا جاس جىگىتتى پىشاقتاپ كەتكەن بۇزاقى ۇستالدى
نۇر-سۇلتان. قازاقپارات - كۇدىكتىنى پوليتسيا قىزمەتكەرلەرى ۆيدەوباقىلاۋ كامەرالارى ارقىلى جىلدام قولعا ءتۇسىردى، دەپ حابارلايدى قازاقپارات ءتىلشىسى قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
«17- جەلتوقسان كۇنى نۇر-سۇلتان قالالىق پوليتسيا دەپارتامەنتىنىڭ ينسپەكتورى ۆيدەوباقىلاۋ كامەراسى ارقىلى تەمىرجول ۆوكزالىنىڭ ماڭىندا ەر ادامداردىڭ توبەلەسىپ جاتقانىن كورگەن. ورتالىقتىڭ ينسپەكتورى بىردەن وقيعا ورنىنا پوليتسيا جاساعىن جىبەردى. ساناۋلى مينۋتتار ىشىندە 31 جاستاعى ەر ادامعا پىشاق سالعان كۇدىكتى ۇستالدى. جاراقات العان جابىرلەنۋشى اۋرۋحاناعا جاتقىزىلدى»، - دەپ حابارلايدى قالالىق دەپارتامەنتتەن.
قازىر اتالعان وقيعا بويىنشا قر قىلمىستىق كودەكسىنىڭ 293-بابى 3- بولىگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتى ۋاقىتشا وقشاۋلاعىشقا قامالعان.
