ءتورت وبلىستا اۋا رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - ءتورت وبلىستا قولايسىز اۋا رايىنا بايلانىستى ەسكەرتۋ جاريالاندى، دەپ حابارلايدى قازاقپارات قازگيدرومەتكە سىلتەمە جاساپ.

20- جەلتوقساندا نۇر-سۇلتان قالاسىندا بۇرقاسىن سوعادى، كۇندىز كوكتايعاق بولۋى ىقتيمال. وڭتۇستىك-باتىستان، وڭتۇستىكتەن جەل سوعادى، كۇندىز ەكپىنى 15-20 م/س جەتۋى مۇمكىن.

20- جەلتوقساندا كۇندىز اقمولا وبلىسىنىڭ كەي جەرلەرىندە قالىڭ قار جاۋادى. كەي جەرلەردە تۇمان ءتۇسىپ، بوران سوعادى. كۇندىز كەي جەرلەردە كوكتايعاق بولۋى مۇمكىن. وڭتۇستىك-باتىستان، وڭتۇستىكتەن جەل سوعادى، كەي جەرلەردە كۇشى 15-20 م/س جەتەدى.

سول كۇنى كوكشەتاۋ قالاسىندا جاياۋ بۇرقاسىن كۇتىلەدى. تۇندە جانە تاڭەرتەڭ تۇمان تۇسەدى. وڭتۇستىك- باتىستان، وڭتۇستىكتەن جەل سوعادى، ەكپىنى 15 م/س جەتەدى.

20- جەلتوقساندا شىعىس قازاقستان وبلىسىندا كەي جەرلەردە قار جاۋادى، بۇرقاسىن سوعىپ، كوكتايعاق بولادى. وڭتۇستىك-شىعىستان سوققان جەل سولتۇستىك-باتىسقا اۋىسادى، كۇشى كەي جەرلەردە 15-20، ەكپىنى 23-28 م/س جەتەدى.

سول كۇنى وسكەمەن قالاسىندا جەلدىڭ ەكپىنى 15-20 م/س جەتۋى ىقتيمال.

20- جەلتوقساندا تۇندە تۇركىستان وبلىسىنداعىتاۋلاردا قاتتى جاۋىن-شاشىن (جاڭبىر، قار) كۇتىلەدى. كەي جەرلەردە تۇمان ءتۇسىپ، كوكتايعاق ساقتالادى. وبلىستىڭ باسىم بولىگىندە وڭتۇستىك-باتىستان سوعاتىن جەلدىڭ كۇشى 15-20، كەي جەرلەردە ەكپىنى 23-28 م/س جەتەدى.

سول كۇنى شىمكەنت قالاسىندا وڭتۇستىك-باتىستان 15-20 م/س جەل سوعادى.

تۇركىستان قالاسىندا دا وڭتۇستىك-باتىستان سوققان جەل 15-20 م/س كۇشەيەدى.

20- جەلتوقساندا قوستاناي وبلىسىنىڭ كەي جەرلەرىندە قالىڭ قار جاۋادى. كەي جەرلەردە بوران سوعىپ، تۇمان تۇسەدى، كوكتايعاق بولۋى ىقتيمال. وڭتۇستىك- باتىستان، باتىستان جەل سوعادى، كەي جەرلەردە ەكپىنى 15-20، 23 م/س جەتەدى.

سول كۇنى قوستاناي قالاسىندا قار جاۋادى، بۇرقاسىن سوعادى، وڭتۇستىك-باتىستان، باتىستان جەل سوعادى، ەكپىنى 18 م/س جەتۋى مۇمكىن.